________________
धर्मरत्न
प्रकरणम् ३१
Jain Education
कइयावि सव्वसारं, कुंडलजुयलं सयं अवहरित्ता । आउलहियय व्व इमा, साहह पहणो पाठ्ठे ति ॥ १४८ ॥ तेण वि नेहवसेणं, घडाविउं नवयमप्पियं 'तीसे । इय हरियमण्णमण्णं, तीए दिष्णं पुण इमेण ॥ १४९ ॥ न्हाणावसरे कइया, मुद्दारयणं समप्पियं तीसे । संझाइ मग्गियं पुण, सा आह कहिंवि नणु पडियं ॥ १५० ॥ ततो असंभंतो, निउणं एसो निहालइ गिहंतो । भज्जाभरणसमुग्गे, नहं दव्वं नियइ सव्वं ॥ १५१ ॥ किं कुंडलाइ दव्वं, गयं पि लद्धं इमीइ न गयं वा । करकलियदविणजाओ, एसो चिंतेइ सवियक्कं ॥ १५२ ॥ इत्तोय सा तहिं चिय, पत्ता इयरो य झत्ति नीहरिओ । झाएइ नंदयंती, धुवमिमिणा जाणिया अहयं ।। १५३ ॥ जा सयणाण वि मज्झे, नो उप्पाएइ लाघवं मज्झ । सज्जो संजोइयकम्मणेण मारेमि ताव इमं ।। १५४ ॥ काउं तयं सयं चिय, अणेगमरणावहेहिं दव्वेहिं । तमिसम्मि संठवंती, डक्का दुट्ठेण सप्पेण ।। १५५ ॥ पडिया धस ति धरणिं, जाओ हाहारखो अइमहतो । तत्थागओ पई से, आहूया पवरगारुडिया ।। १५६ ।। सव्वेसि नियंताणवि, खणेण निहणं गया पावा । छट्ठी पुढवीए, पुरओ भमिही अणतभवं ।। १५७ ।। तं दट्टु पुण्णभद्दो, सोयजुओ तीइ काउ मयकिच्चं । वेरग्गभावियमणो, जाओ समणो वि जियकरणों ।। १५८ । सुक्कज्झाणानलदडूसयलकम्मिंधणो धुणियपावो । सो भयवं संपत्तो, लोयग्गसुसंठियं ठाणं ।। १५९ ।। णिरु निव्वेयनिमित्त, पकित्तिया पुरिमपच्छिमिल्लभवा । इहयं असढगुणम्मि, पगयं पुण चकदेवेण ।। १६० ॥ १० तं से खग ।
For Private & Personal Use Only
अश...
गुण ७
तत्र चक्रदेव दृष्टान्तः ३१
wwwww.jainelibrary.org
