________________
Jain Educatio
national
जा तुत्तरमेए, दुवेवि धवलहरसिरहमारूढा । सइ महरहिओ दोणो, अणप्यसंकप्पभरियमणो ॥१३४॥ भो मित ! एहि इहयं, निज्जू हे विससु जंपिरो तत्थ । सयमारूढो इको, पडिओ मुको य पाणेहिं ॥ १३५ ॥ हाहारवमुहलमुहो, तुरियं उत्तरिय वीरदेवो वि । जा नियइ ताव दिट्ठो, मित्तो पंचत्तमणुपत्तो ॥ १३६॥ हा मित्त ! मित्तवच्छल !, छलदूसणरहिय ! रहिय! नयमग्गे । इय बहुविहं पलबिउं, मयकिच्चं कुणइ सो तस्स ।। १३७ ।। जललवतरले जीए, विज्जुल्लयचंचलम्मि तरुणत्ते । को नाम गेहवासे, पडिबंधं कुणइ सविवेओ १ ।। १३८ ॥ इय चिंतिऊण सम्मत्तदाइगुरुपासपत्तसामण्णो । उववण्णो गेविज्जे, सो तइए भासुरो अमरो ।। १३९ ।। अस्थिह विदेहवासे, वासवदेहं व सज्जवज्जहरं । अंबयसहस्सकलियं, चंपावासं ति वरनयरं ॥ १४० ॥ तत्थासि माणिभद्दो, भद्दोवज्जणमणो सया सिट्ठी । जिणधम्मरम्मकम्मा, तस्स पिया हरिमईनामा || १४१ ॥ सो वीरदेवजीवो, तत्तो गेविज्जगाउ चविऊण । नामेण पुष्णभद्दो, ताणं पुत्ती समुप्पण्णो ॥ १४२ ॥ तेणं च पढणसमए, घोसं पढममवि उच्चरंतेणं । अमरु ति समुल्लवियं, बुच्चइ अमरो वि तेणेसो ॥ १४३ ॥ दोणो विमओ धूमाइ बारअयराउ नारओ जाओ । मच्छो सयंवरमणे, भविउं तत्थेव उववण्णो ।। १४४ ॥ भमिय भवे तत्थ पुरे, नंदावत्तभिहसिट्ठिदइयाए । सिरिनंदाए धूया, संजाया नंदयंति त्ति ।। १४५ ॥ भवियव्वयावसेणं, परिणीया सा उ पुण्णभद्देण । सा पुव्वकम्मवसओ, जाया पइर्वचणिकमणा ।। १४६ । से परियणेण कहियं, 'वधुत्तरकूडकवडनियडिकुडी । सामिय ! पिया तुहेसा, न य सद्दहियं पुणो तेणं ।। १४७ ॥
१० वठुत्तर ० क ख ।
१६
For Private & Personal Use Only
jainelibrary.org
