________________
तंदटुं चिंता करी, कामियतित्थं इमं खुजं इहय । खेयरमिहुणं जायं, पडियं किर कीरमिहुणं पि ॥ २६ ॥ तो किं इमिणा तिरियत्तणेण मज्झं ति चिंतिय नगाओ । झंपावइ सो तहियं, अहुडिडय कीरमिहुणं तं ॥ २७ ॥ संचुणियंगुवंगो, हत्थी गलहत्थिओवि वियणाए । फुरियसुहज्झवसाओ, जाओ वंतरसुरो पवरो ॥ २८ ॥ अइसयकिलिढचित्तो, विसयपसत्तो सुओ वि संपत्तो । रयणाइ लोहियक्खे, नरए अइतिक्खदुहलक्खे ।। २९ ।।
अस्थि विदेहे सिरिचक्कवालनयरम्मि सत्थवाहवरो । अप्पडिहयचक्कक्खो, सुमंगला पणइणी तस्स ॥ ३०॥ अह सो करिंदजीवो, चविऊण ताण नंदणो जाओ। नामेण चक्कदेवो, सया वि गुरुजणविहियसेवो ॥ ३१ ॥ उव्वट्टिय इयरो वि हु, जाओ तत्थेव जण्णदेवु त्ति । सोमपुरोहियपुत्तो, दुवे वि तरुणत्तमणुपत्ता ॥ ३२॥ सम्भावकइयवेहिं, जाया मित्ती य तेसिमण्णोणं । पुवकयकम्मदोसा, कयावि चिंतइ पुरोहिसुओ ॥ ३३ ॥ कह एस चक्कदेवो, इमाउ अत्तुच्छलच्छिविच्छड्डा । पाविहिह फुडं भंसं, हुं ! नायं अत्थि इह उवाओ ॥ ३४ ॥ चंदणसत्थाहगिह, मुसिउं दविणं खिवित्तु एयगिहे । कहिउं निवस्स पुरओ, मंसिस्सं संपयाउ इमं ।। ३५ ।। काउं तहेव स भणइ, वयंस! गोवेसु मज्झ दविणमिणं । नियगेहे सो वि तओ, एवं चिय कुणइ सरलमणो ।। ३६ ॥ वत्ता पुरे पवत्ता, मुटुं चंदणगिह ति तो पुट्ठो। सत्याहसुएणेसो, दविण मिणं कस्स ? भो मित्त ! ॥३७॥ सो आह मज्य दवं, तायभया गोवियं तुह गिहम्मि । आसंका न मणागवि, कायन्या चक्कदेव ! तए ॥ ३८ ॥
१४
Jain Education International
For Private Personel Use Only
www.jainelibrary.org
