________________
इको चिय से पुत्तो, अरिमल्लो नाम विजियअरिमल्लो । सो अज्ज केलिभवणे, सुत्तो डसिओ भुयंगेण ॥ ३१ ॥ तप्पणइणीइ गाद, पुकरिए परियणेण मिलिएण । अइनिउणं पि गविट्ठो, न य दिट्टो विसहरो दुट्ठो ॥ ३२॥ पत्तो निवो वि तहियं, मयं व कुमरं निएवि झत्ति गओ । मुच्छमतुच्छं पवणाइएहि जाओ पुणो पउणो ॥ ३३ ॥ किरियाओ बहुविहाओ, नरिंदविंदारएहिं विहियाओ। न य जाओ को वि गुणो, तत्तो भणियं निवेण इमं ॥ ३४ ॥ जइ कहवि किं पि कुमरस्स मंगुल जायए अमच्चवरा तो मज्झ वि नणु सरणं, जलणो जालाभरियगयणो॥ ३५ ॥ तो दुन्नो परिवारो, रुयंति अंतेउरीउ करुणसरं । सामंता वि विसन्ना, खलभलिओ सयलपुरलोओ॥ ३६ ।। अह दाविओ पडहओ, निवेण आउलमणेण इय नयरे । जो जीवावइ कुमरं, तस्स अहं देमि रज्जद्धं ॥ ३७॥ तं सुणिय भणइ विमलं, सहदेवो भाय ! कुणसु उवयारं । ओहलिय मणि छंटसु, कुमरं जं जियइ लहु एसो ॥ ३८ ॥ गेरुयं अहिगरणमिणं, बंधव ! को रजकारणे कुणइ ? | इय विमलेणं वुत्ने, सहदेवो भणइ भो भाय ! ॥३९॥ उज्जीविऊण कुमरं, अम्ह कुलस्स वि दलेसु दालिई । कइया वि जीविओ किर, करिज्ज कुमरो वि जिणधर्म ।। ४०॥ एमाइ तम्मि भणिरे, जा विमलो कि पि उत्तरं देइ । चेलंचलाउ इमिणा, गहिय मणि छित्तओ पडहो ॥४१॥ नीओ कुमरसमीवे, मणिमोहलिऊण छंटिओ एसो। सुत्तविउडु व्व खणेण उडिओ पुच्छइ नरिंदं ॥४२॥ किं ताय! एस पुरिसो, अंबा अतेउरीउ पुरलोओ । सव्वो वि इत्थ मिलिओ?, तो राया कहइ तं सव्वं ॥४३॥
हिट्टेणं सहदेवो, रजद्धेणं निमंतिओ रण्णा । सो आह देव ! जस्स प्पभावओ जीविओ कुमरो ॥ ४४ ॥ १°गुरुयं क-स्व । २° उत्तरद ताव ख-ग । ग्रन्थानम्७०० ।
Jain Education International
For Private Personal Use Only
www.jainelibrary.org
