________________
धर्मरत्नरकरणम् २३
भवभीरुत्व
गुण ६
उत्तासियसयलजणो, कसिणतणू तह पवडिउं लग्गो । जह तस्स किंचि भीयं, वउवरिहत्तं गयं गयणं ॥१७॥ तह जंपइ विमलं पइ, रे! पागकए महग्गिमप्पेसु । जं भुक्खिओ म्हि बाढं, इहरा ते नासिहं पाणे ॥ १८ ॥ इयरो वि भणइ जललवचलाण पाणाण कारणा भद्द! । को नाम पावभीरू, इय एरिसपावमावहइ ? ॥ १९ ॥ अथिरेहिं थिरो समलेहिं गयमलो परवसेहिं साहीणो । पाणेहिं जइ विढप्पइ, धम्मो ता किं न खलु पत्तं ? ॥२०॥ जं जाणसि तं पकुणसु, न उण निरत्थं करेमि पावमहं । तो सो संहरियतणू, नियरूवं काउमाह तयं ॥ २१ ॥ विमल ! अइविमलगुणगण !, धण्णो सि तुम तुम चिय सउण्णो । जं सको वि पसंसइ, तुह पयर्ड पावभीरुत्तं ॥ २२ ॥ सावज्जवयणवज्जणपच्चल! निचलसुधम्म ! वरसु वरं । सो भणइ तए दिणं, दितेण सदसणं सव्वं ॥ २३ ॥ वरदाणपरे अमरे, पुणो वि जंपइ इमो अहो भद्द! । निययमणं अइपउणं, करेसु गुणिजणगुणग्गहणे ॥ २४ ॥ अह तम्मि अइनिरीहे, सप्पविसुच्छायणं मणिं सुमणो । बंधिय तदुत्तरीए, बला वि पत्तो सयं ठाणं ।। २५॥ विमलो करेइ सई, सहदेवाईण ते वि तो पत्ता । पुच्छंति पहियचरियं, जहट्ठियं सो वि साहेइ ॥ २६ ॥ जिणमुणिसुमरणपुव्वं, ते भुत्तं(तुं ?) अह गया नयरमज्झे । ता तत्थ पुरे वणिएहि आवणा लहु पिहिज्जति ॥ २७॥ चउरंगवलं पबलं, इओ तओ भमइ समरसज्ज व । मालिज्जइ पायारो, दिज्जति य गोपुरकवाडे ॥ २८॥ तं असरिच्छं पिच्छिय, विमलेणं को वि पुच्छिओ पुरिसो । भीयं पिव पुरमेयं, किं दीसइ भद्द ! सयलं पि? ॥२९॥ तो विमलसवणमूले, ठाऊण भणेइ सो वि जह इत्थ । बलिबंधकरो पुरिसुत्तम व्व पुरिसुत्तमो राया ॥३०॥
तत्र विमल दृष्टान्तः २३
Jain Education International
For Private & Personal use only
www.jainelibrary.org
