________________
धर्मरत्नप्रकरणम् १८
लोकप्रियत्व गुणः४
अहह हयासेण मए, कलंकियं नियकुलं सया । विमलं वित्थारिओ य भुवणे, तमालदलसामलो अयसो ॥ ४३ ।। इच्चाइ बहुविहं झूरिऊण राया विसञ्जए ताओ । विणयंधरस्स पासे, सज्जो जाया सरूवत्था ॥ ४४ ॥ इत्तो य तत्थ नयरे, पत्तो सिरिसूरसेणवरसूरी । पत्ता गुरुनमणत्थं, निवविणयंधरपउरलोया ॥ ४५ ॥ तिपयाहिणपुचमपुव्वभावभावियमणा नमिय गुरुणो । निसियंति उचियदेसे, इय कहइ गुरू वि धम्मकहं ॥ ४६॥ "धम्मो दुविहो भणिओ, जिणेहिं जियरागदोसमोहेहिं । सिवनयरनयणमग्गो, सुसाहुधम्मो य गिहिधम्मो ॥४७॥ तत्थ य पढम सावज्जकज्जपरिवज्जणुज्जुओ उज्जू । पंचमहव्वयपव्वयगुरुभारसमुन्वहणपवणो ॥४८॥ समिईगुत्तिपवित्तो, अममत्तो सत्तुमित्तसमचित्तो । खेतो दंतो संतो, अवगयतत्तो महासत्तो ॥ ४९ ।। निम्मलगुणगणजुत्तो, गुरुपयभत्तो करेइ जो सत्तो । सो अचिरेणं पावइ, सुमग्गलग्गोऽपवग्गपुरं ॥५०॥ तकरणासत्तेहिं, सावगधम्मो वि होइ कायव्यो । कालेण सो वि सिवसुक्खदायगो देसिओ समए ॥५१॥" इय सोउं धम्मकहं, लद्धावसरेण पुच्छियं रण्णा । भयवं! किं कयमसम, सुकयं विणयंधरेण पुरा ? ॥५२॥ जं सवपिओ एसो, पियाउ एयस्स पवररूवाओ । केण पओगेण तया, ताउ विरूवाउ जायाओ ? ॥ ५३॥ अह भणइ गुरू निव! इह, आसी नयरम्मि हत्थिसीसम्मि । राया वियारधवलो, धवलजसो धवलियदियंतो ।। ५४ ॥ तस्स चरो वेयाली, अगण्णकारुण्णमाइगुणसाली । निच्चं परोवयारी, आसि दढं पावपरिहारी ।। ५५ ।।
तत्र विनय
र कथा १८
Jan Education International
For Private 3 Personal Use Only
www.jainelibrary.org
