________________
Jain Education International
तारा सिरीय विणया, देवी नामाउ विमलसीलाओ । जमगं चउरो परिणेइ पवरसिट्टीण धूयाओ ॥ ६ ॥ ववहारमुद्धिसारो, पायं परिहरियपावपन्भारो । सो सुहजलहिनिमग्गो, कालं वोलेइ अणुव्विग्गो ॥ ७ ॥ को असुहिओ इहयं, नयरे नयकुलहरे सया सुहिए ? । बत्ता इमा पवत्ता, कया वि नरनाहअत्थाणे ॥ ८ ॥ एगेण तत्थ भणियं, सुहियाण जणाण मत्थयमणि व्व । अत्थि इह इन्भपुत्तो, धणियं विणधरो नाम ॥ ९ ॥ जस्स धणं धणयस्स व, जणप्पियं रूवममरपहुणु व्व । जीवस्स व अमलमई, करिरायस्स व सया दाणं ॥ १० ॥ जस्सय पिया उ चउरो, अइसयसुंदेरमंदिरं दहुं । विलियाओ अमरीओ, मण्णे नो इंति दिट्ठिपहं ॥ ११ ॥ इच्चाइ बहुपयारं, णिरु निरुवमवण्णणं सुणिय ताणं । मयणसरपसरविहुरो, राया रायाउरो जाओ ।। १२ । तिहुयणमणोहरीओ, कहमह संपअिहं ति एयाओ ? । इय चिंताउरचित्तस्स तस्स बुद्धी इमा जाया ॥ १३ ॥ पच्चाइय पउरजणं, दोसं उप्पाइउं च से वणिणो । गिण्हामि बला ताओ, न होमि गरिहारिहो जेण ॥ १४ ॥ इय निच्छिय एगंते, निभिच्चभिच्चो पर्यपिओ तेण । विणयंधरेण सद्धिं, कुण मित्तिं कवडनेहेण ।। १५ ।। तत्तो वि भुज्जखंडे, लडुं लिहाविय इमं तुमं गाहं । पच्छन्नमेव मज्झं, उवणेहि अयाणियं तेण ।। १६ ।।
तथा हि"पसियच्छि ! रहवियक्खणि !, अज्ज अभग्गस्स तुह दुसहविरहे ।
For Private & Personal Use Only
www.jainelibrary.org
