________________
इय चिंतिय नियगेहं, पचो जणणीइ पुच्छिओ भणइ । अवसउणकारणा मे, सुण्हा नो आणिया अंब!॥ १५॥ बहुहा वहुआणयणे, पिऊहि भणिओ वि सो न उच्छहइ । को तीइ वराईए, काहिइ दुक्खं ति काऊणं ॥ १६ ॥ कइया वि भिसं मित्तेहि पेरिओ सो गओ ससुरगेहे । ठाऊणे कइवयदिणे, पितु पियं सगिहमणुपत्तो ॥१७॥ पियरेसु उवरएमुं, जायं तेर्सि गिहस्स सामित्तं । पिम्मपराण कमेणं, चउरो तणया समुप्पन्ना ॥ १८॥ पयईसोमसहावो, विजओ पाएण हणियबहुपावो । जाओ सुसेवणिजो, परियणसुहिसयणपभिईणं ॥ १९ ॥ तस्संसग्गिवसेणं, पसमिक्कधणो घणो जणो जाओ । जं संगाउ जियाणं, गुणागुणा हुंति भणियं च ॥२०॥
“सन्तप्तायसि संस्थितस्य पयसो नामापि न ज्ञायते, मुक्ताकारतया तदेव नलिनीपत्रस्थितं राजते । स्वातौ सागरशुक्तिसम्पुटगतं तज्जायते मौक्तिकं, पायेणाधममध्यमोत्तमगुणः संसर्गतो दृश्यते ॥ २१॥"
निव्वुइदाणपहाणं, खमागुणं मुणिय सुहमणो विजओ । जइ नियइ के पि कलहंतयं तओ भणइ इय वयणं ।।२२।। विलसिरपरमपमोया, खमापहाणा भवेह भो लोया ! । मा कुणह कह वि कोहं, ओहं पिव भवसमुदस्स ॥ २३ ॥ धम्मत्थकाममुक्खाण हारणं कारणं दुहसयाणं । कलह कलहंसा इव, कलुसजलं चयह भो भविआ! ॥ २४ । सव्वस्सावि विलीय, अजंपियं जंपियाउ वरमिहयं । निउणमइस्स परस्स वि, अपुच्छियं पुच्छियाउ वरं ॥ २५ ॥ इय पइदिणमुवएस, दितं जणयं भणेइ जिट्ठसुओ। किं ताय ! तुमं पुणरुत्तमेवमुवइससि सव्वेसि ? ॥ २६ ॥
विजओ जंपइ अणुहवसिद्धमिणं वच्छ ! मज्झ सो आह । कह णु ? भणइ तो सिट्ठी, अजंपियं जंपियाउ वरं ॥२७॥ १° ठाऊणं कइ विक-ख ।
Jain Education International
For Private & Personel Use Only
www.jainelibrary.org
