________________
धर्मरत्नप्रकरणम्
रूपवद् गुणः २
मंती वि धम्मघोसो, रायगिहगओ फुरंतवेरग्गो । गुरुमूलगहियदिक्खो, पवन्नपडिमाविहारो य ॥४३॥ वारत्तपुरेऽभयसेणरायवारत्तमंतिगेहम्मि । निवडियबिंदुक्खीरिं, सघयमहुं अगहिउं चलिओ॥४४॥ किं न हु गहिया भिक्खा, मुणिणा? इय जाव चिंतए मंती । निज्जूहठिओ ता तत्थ मच्छियाओ निलीणाओ॥४५॥ पिच्छइ घरकोइलिया, तं सरडो तं पि दुट्ठमञ्जारो । तं पच्चंतियसुणओ तं पि य वत्थव्वओ सुणओ ॥४६॥ ते कलहंते दढे, उवडिया तप्पहू पहूयबला । जायं च महाजुझं, तो मंती चिंतए चित्ते ।। ४७ ॥ इय कारणा न गहिया, भिक्खा तेणं ति सुद्धभाववसा । जाइसरो गहियवओ, पत्तो सो संसुमारपुरे ॥ ४८ ॥ तत्थ निवधुंधुमारो, अंगारवई सुया य से तं च । परिणयणकए मग्गइ, पज्जोओ देइ न य इयरो ॥४९॥ अह दुट्ठो पज्जोओ, पबलबलो रंभए तयं नयरं । अप्पबलो मज्झनिवो, पुच्छइ नेमित्तियं भीओ ॥ ५० ॥ सो वि निमित्तनिमित्तं, भेसइ डिंभाणि ताणि मीयाणि । नागहरे वारत्तयचरणे सरणं पवन्नाणि ॥५१॥ तो सहसाकारेणं, मा बीहेह त्ति पभणियं मुणिणा । नेमित्तिएण कहियं, निवस्स जे तुह जओ नूणं ॥५२॥ वीसत्थो मज्झण्हे, पजोओ घि, धुंधुमारेणं । नीओ नियनयरीए, अंगारवई य से दिण्णा ॥ ५३ ।। पुरि भमिरो पज्जोओ, अप्पबलं दट्ठ धुंधुमारनिवं । कह गहिओ हं? पुट्ठा, दइया सा कहइ मुणिवयणं ॥ ५४ ॥
कहइ निवो तुज्झ नमो, नेमित्तियखवग! सो वि उवउत्तो । आपव्वज्जं सुमरइ, चेडयसंवइयरं नवरं ॥ ५५ ॥ १° तेणं विसुद्धक।
तत्र सुजातकथा १३
Jain Education International
For Private & Personal Use Only
www.jainelibrary.org
