________________
सो चिंतइ जइ पियरो, पिच्छंताहं गहेमि पव्यजं । तन्मावमिणं नाउं, अमरो चंपापुरीउवरिं ॥ २९॥ विउलं सिलं विउव्वइ, तो निवपमुहा जणा भिसं मीया । धूवकडुच्छयहत्था, भणंति सिरमिलियकरकमला ॥ ३०॥ भो! भो! खमेह जो जस्स किंचिं अम्हेहि चिट्ठियं दुटुं । अह वित्तासइ तियसो, कहिं गमिस्सह हहा दासा!१ ॥३१॥ पावेण अमञ्चेणं, सुसावओ दूसिओ अकज्जेण । चूरेमि तेण तुरियं, अज्ज अणज्जे तुमे सव्वे ॥ ३२॥ छुट्टह जइ तं खामह, नरसिररयणं तओ जणो भणइ । सो संपइ कत्थ ? सुरो भणेइ इत्थेव उज्जाणे ॥३३॥ नायरजणसहिएणं निवेण सो खामिओ तर्हि गंतु । आरोविओ य सिंधुरमइउद्धरकंधरं झत्ति ॥ ३४॥ सो सोहंतो सिरउवरिधरियहिमधामधवलछत्तेण । वीइज्जतो सुरसरिलहरीभरसेयचमरेहिं ।। ३५ ।। थुन्वंतो जलभरभरियजलयगुरुसबंदिविंदेण । दितो दाणं मणतकियाहियं तक्कियजणाण ॥ ३६॥ धम्मुदया तुह रूवं, तुह उदओ धम्महेउ इय पीई । अण्णुण्ण होउ थिरा, इय जणवयणाई निसुणन्तो ॥३७॥ धण्णो अहो इमो खलु, जस्स सुरा अवि कुणंति आएसं । धम्मो वि एस पवरो, कुणन्ति जं एरिसा पुरिसा ।। ३८ ।। इच्चाई जइणसासणपभावणं सो कुणंतओ सगिहे । पत्तो पणमइ अम्मापिऊण पयकमलममलमणो ॥३९॥ इत्तो य धम्मघोसो, मंती वज्झो निवेण आणत्तो । मोयाविओ सुजाएण कारिओ तह वि निविसओ ॥४०॥ अह दाउं निययदव्वं, धम्मे पुच्छिय निवं तह सुजाओ। पियरेहि समं दिक्खं, गिण्हइ दुविहं तहा सिक्खं ॥४१॥ कयदुक्करतवचरणा, निम्मलकेवलकलाहि कंतिल्ला । तिण्णि वि तिण्णपइण्णा, सिवमयलमणुत्तरं पत्ता ॥ ४२ ॥ १°पियरे ग । २°ताक ।३ किं पिख । ४°इच्चाई जिण ख । ५० दुच्चरक-ख ।
For Private
Personal Use Only
www.jainelibrary.org
