________________
धर्मरत्नप्रकरणम्
अक्षुद्रत्वगुणः१
खीणे चरित्तमोहे, विमलतरं संजमं च जो कुणइ । सो पावइ मुत्तिसुहं, इय भणियं खीणरागेहिं ।। ७८ ॥ चुल्लग पासग धन्ने, जूए रयणे य सुमिण चक्के य । चम्म जुगे परमाणू दस दिटुंता सुयपसिद्धा ॥७९॥ एएहि इमं सव्वं, भणुयत्ताई कमेण दुल्लंभं । लद्धं करेह सहलं, काऊण जिणिंदवरधर्म ॥ ८ ॥ अह समए भणइ निवो, भयवं ! किं दुक्कयं कयं तेण । उकिटकुहिएणं? तो इय जंपेइ मुणिनाहो ॥ ८१॥ मंणिसुंदरमंदिररेहिरम्मि मणिमंदिरम्मि नयरम्मि । दो सोमभीमनामा, कुलउत्ता निच्चमविउत्ता ॥ ८२ ॥ पढमोऽणुत्ताणमई, अक्खुद्दो भद्दओ विणीओ य । तविवरीओ बीओ, परपेसणजीविणो दो वि ॥ ८३ ।। अन्नदिणे दिणमणिकिरणभासुरं सुरगिरिं व उत्तुंगं । कत्थ वि वच्चंतेहिं तेहिं जिणमंदिरं दिढें ॥ ८४ ॥ सुहुममई सोमो भणइ भीम ! सुकयं कयं न कि पि पुरा । अम्हेहि तेण नूणं, परपेसत्तणमिणं पत्तं ।। ८५ ॥ जं तुल्ले वि नरत्ते, एगे पहुणो पयाइणो अन्ने । तं सुकयदुक्कयफलं, अकारणं हवइ किं कजं? ॥८६॥ तो पणमामो देवं, देमो य जलंजलिं दुहसयाणं । उत्ताणमई वायालभावओ भणइ अह भीमो ॥८७॥ न य अत्थि भूयपंचगपवंचअहिओ जिओ चिय जयम्मि । हे सोम! वोमकुसुमं व तयणु देवाइणो किह णु? ॥८८॥ पासंडितुडअइचंडतंडवाडंबरेहि किं मुद्ध! । देवो देवु त्ति मुहा, कयत्थसे अप्पमप्पमई १ ॥८९॥
इय वारिओ वि तेणं, सोमो सोमु व्व सुद्धमइजुण्हो । गंतुं जिणभवणे भुवणबंधवं नमइ समियतमो ॥ ९ ॥ १ विमलतवं प्रत्य० ॥ २ मणिमयसुंदरमंदिररम्मे प्रत्य० ॥
| तत्र सोमभीम कथा
Jain Education International
For Private & Personel Use Only
www.jainelibrary.org
