________________
धर्मरत्नप्रकरणम्
अक्षुद्रत्वगुणः १
दटुं पुव्वपियाओ, कया वि कुमरो सुलोयणासहिओ। इत्थेव पुणो नयरे, नियभवणुजाणमोइण्णो ॥५१॥ सो कत्थ गओ ति सुलोयणाइ पुट्टम्मि वामणो हसिरो । नो तुम्हे विव अम्हे, खणिया इय वुत्तु नीहरिओ ॥५२॥ नियनियचरियसवणओ, नियनियतणुनिउणफुरणओ ताहि । कयरूवपरावत्तो, नियभत्ता तकिओ खुजो ॥५३॥ अह रायपहे खुजो, गच्छंतो सुणिय कम्मि वि गिहम्मि । करुणसरं तो कं पि हु, पुच्छइ रोइजए किमिह ? ॥५४॥ सो भणइ तिलयमंतिस्स पुत्तिया सरस्सइ ति नामेणं । भवणोवरि कीलंती, डक्का कसिणेण उरगेण ॥ ५५॥ चत्ता नरिंदविंदारएहिं तो तीइ मायपियसयणा । उम्मुक्तकंठमुम्मुक्तविजया इह रुयंति बहुं ॥५६॥ तं सोउं भणइ खुजओ, गच्छामो भद्द ! मंतिगेहम्मि । पिच्छामि तयं बालं, अहमवि उंजेमि तह किं पि ॥ ५७॥ इय वुत्तु मंतिभवणम्मि वामणो तयणु तेण सह पत्तो । पउणेइ पोढमंतप्पभावओ झत्ति तं बालं ।। ५८ ॥ नियविण्णाणं व तुम, सरूवमवि दंससु त्ति सचिवेण । सो पत्थिो खणेणं, नडु व्व जाओ सहावत्थो ।। ५९ ॥ तस्स पहाणं रूवं, दर्दू अइविम्हिओ तिलयमंती । जा चिट्ठइ ता पढियं, मागहविदेण पयडमिमं ।। ६०॥ मणिरहनिवकुलससहर !, हरहारकरेणुधवलजसपसर ! । पसरियतिहुयणविक्कम !, विक्कम ! वरकुमर ! जय सुचिरं ॥६१॥ तो मंती वरकुलरूवविक्कम विक्कमं निएऊण । कुमरीइ पाणिगहणं, कारावइ हहतुट्ठमणो ॥ ६२ ॥ तं सुणिय जाणिउं नियसुयाइ कमलाइ पिययमं हिहो । वासवराया कारइ, महुस्सवं सव्वनयरम्मि ॥ ६३ ॥
तत्तो मंतिगिहाओ, नीओ नियमंदिरे विभूईए । सो सव्वपियाहि जुओं, सुहेण चिट्ठइ सुरु ब्व तहिं ॥ ६४॥ १ ° मुक्कंठविज्जा क । ° मुक्कंठवज्जिया' ख । २° सयल° क ख ।
तत्र सोमभीम कथा
Jain Education International
For Private Personel Use Only
www.jainelibrary.org
