________________
श्रीधर्मरत्नप्रकरणम् ॥११५॥
कृतव्रतकख्यिं ल
णम्
कामिणिवयणं पिव दीहरच्छमइविमलरयणसोहिल्ला अलियसिरीई विमुक्कं, नवरं पुरमत्थि रायगिहं ॥१॥ बहुदव्वगुणपहाणो, समवायपरो सुकम्मकयचित्तो । वयसेसिउ व्व तत्थरिथ नरवरो सेणिओ नाम ॥२॥ तत्थेव भूरिसारो, मालागारो वसेइ अज्जुणओ । सुकुमालपाणिपाया, बंधुमई पणइणी तस्स ॥३॥ मुग्गरपाणिं जक्खं, नियकुलदेवं पुरस्स बाहिठियं । पवरेहिं कुसुमेहिं, अज्जुणओ निच्चमच्चेइ ॥४॥ तत्थ य ललिया गोही, जं कयसुकया समत्थि अइरिद्धा । तम्मि पुरे अन्नदिणे, महसवो कोवि संपत्तो ॥५॥ कल्लं मुल्लं लहिहं, ति इत्थ कुसुमाइं इय विचिंतेउं । अज्जुणओ सकलत्तो, गोसे उज्जाणमणुपत्तो ॥६॥ गहिउं कुसुमाई तओ, जा जक्खगिहं समेइ तुट्ठमणो । ता बहिजक्खगिहट्ठियगुट्ठियपुरिसेहि सो दिवो ॥७॥ पभणंति अन्नमन, भो भो भद्दा ! समेइ एस इहं । अज्जुणमालगारो, बंधुमईए पियाइ समं ॥८॥ तं सेयं णे एयं, बंधित्तु इमस्स भारियाइ समं । भोए भुत्तुं ते वि हु, अन्नुन्नं पडिसुणंति इमं ॥९॥ तो ते कवाडपच्छाभागे चिटुंति निहुयतणुवयणा । इत्तो इयरो पत्तो, जक्खं पूएइ एगग्गो ॥१०॥ अह दवदवस्स निस्सरिय, ते य तत्तो तयं निबंधति । बंधुमईए सद्धिं, किलिकिलिमाणा पकीलंति ॥११॥ तं तह दटुं असरिसअमरिसविवसो विचिंतए एसो । जक्वमिमं निच्चमहं, पूएमि वरेहिं कुसुमेहिं ॥१२॥ जइ इत्थ कोइ हुँतो, जक्खो तो हं सहतओ नेवं । परपरिभवमसमंता, नूणमिमो पत्थरो चेव ॥१३॥ तयणु अणुकंपियमणो, जक्खो अज्जुणगतणुमणुपविट्ठो । सो तडतडत्ति तोडइ, बंधणं आमतंतु व्व ॥१४॥
तत्र सु न कर
| ॥११५॥
Jain Educat
!
For Private Personel Use Only
jainelibrary.org
