________________
Jain Education
अद्धद्धविभाएणं, विभत्ता अप्पिया सहा तेसिं । दावित्तु अंतरा जवणियं च वृत्ता निवेवं ||८|| भो ! तुमेहिं कम्मं, कयावि न हु पिच्छियव्वमन्नुन्नं । नियनियमईइ निउणं, इह चित्तं चित्तियव्वं च ॥९॥ विट्ठीन मन्नियव्वा, जहविष्णाणं च काहिह पसाओ । अहमहमिगाइ तत्तो, सम्मं कम्मं कुणति इमे ॥ १० ॥ जाब गया छम्मासा, तो पुट्ठा उस्सुएण ते रण्णा । विमलेण तओ भणियं निष्पन्नो देव ! मह भागो ॥ ११ ॥ मेरु व्व तयं भागं, सुवण्णरुहरं विचित्तभूभागं । पिच्छित्तु निवो तुट्ठो, महापसायं कुणइ तस्स ||१२|| पुट्ठो भइ पासो, चित्तारंभंपि देव ! न करेमि । जं अज्जवि मे विहियं, भूमीए चैव परिक्रम्मं ॥ १३॥
भूकम्मं नणु केरिसं ? ति भूवेण अवणिया जवणी । ताव सविसेसरम्मं, सुचित्तकम्मं तहिं दिट्ठे || १४ || तो भणिओ सो रण्णा, रे किं अम्हेव विष्पयारेसि १ । अन्नोवि न वंचिज्जह, किं पुण सामि १ त्ति सो आह ॥१५॥ पडिबिंबकमो देव !, एस इय भणिय तेण परियच्छा । दिना तओ निवेणं, सा दिट्ठा केवला भूमी ॥ १६ ॥ अह विम्हिण रण्णा, पुठ्ठे कीरह किमेरिसा भूमी १ । सो भणइ देव ! एरिसमहीर चित्तं हवइ सुथिरं ॥ १७॥ वण्णाण फुरइ कँती, अहियं सोहं घरंति रुवाई । पिच्छंताण जाणं, भावुल्लासो भिसं होइ ॥ १८ ॥ तं सुणिउं तस्स विवेगराइणा राइणा पहिट्टेण । विउलो कओ पसाओ, सपसायं पभणियं च इमं ॥ १९ ॥ एमेव इमं चिट्ठउ, चित्तसहा मे चलंतचित्तजुया । होउ अपुव्वपसिद्धि, त्ति एस पुण उवणओ इत्थ ||२०|| साएयं संसारो, राया सूरी सहा य मणुयगई । चित्तयरो भवियजिओ, चित्तसहाभूसमो अप्पा ||२१||
For Private & Personal Use Only
Inelibrary.org
