________________
Jain Education
तयणु घणकोउगेणं, पुरओ गंतुं लयागिहस्संते । आसीणं तं मिहुणं, नियंति ते परमसुन्दरं ॥९॥ इत्तो य दुवे पुरिसा, कड्डियकरवाल भीसणकरग्गा । हण हण हण त्ति भणिरा, लयागिहस्सुवरि संपत्ता ॥ १० ॥ एगेण ताण वृत्तं, रे रे निल्लज्ज ! होसु तं पुरिसो । सुमरेसु इट्ठदेवं, कुणसु सुदिट्ठे च जियलोयं ॥ ११॥ तं सुणिय फुरियगुरुकोवपसरमिसमिस मिसंत अहरदलो । वल्लिगिहमज्झिमनरो, विणिग्गओ खरगवग्गकरो ॥ १२ ॥ तो मुक्कहक्क बहुअसिखडक्कसंभंतखेयरीविंदं । जायं तेसिं गयणंगणम्मि अइदारुणं जुज्यं ॥ १३ ॥ जो उण बीओ पुरिसो, लयागि सो पविट् ठुमभिलसइ । तत्तो मिहुणनरत्थी, भयकंपंता विणिक्खंता ॥१४॥ दठ्ठे च भणइ विमलं, पुरिसुत्तम ! रक्ख रक्ख मं भीयं । सो आह होसु भद्दे !, वीसत्था नत्थि तुज्झ भयं ॥ १५ ॥ इतो तग्गहणत्थं, पत्तो सो खेयरो गयणमग्गे । विमलगुणतुट्ठवणदेवयाइ अह थंभिओ सहसा ||१६|| सोवि य जुज्झतनरो, विजिओ मिहुणगनरेण य पलाणो । तप्पुट्ठीए लग्गो, जियकासी मिहुगगो सोवि ॥१७॥ थंभियनरेण दिट्ठो, संजाया तयणु तस्स गमणिच्छा । तं नाउं देवीए, झडि त्ति उत्तंभिओ सो उ ॥ १८॥ लग्गो य तेसि पिट्ठे, तिष्णिवि पत्ता अदंसणपहम्मि । अह बाला रुयह हहा, मं मुत्तुं नाह ! कत्थ गओ १ ॥१९॥ इत्थंतरम्मि जयलच्छिपरिगओ आगओ मिहुणपुरिसो । जाया य हट्ठतुट्ठा, सा बाला अमयसित व्व ॥ २० ॥ सो नमिय भइ विमलं, तं चिय बंधू तमेव मह मित्तं । जं एसा मज्झ पिया, हीरंती रक्खिया धीर ! ॥ २१ ॥ विमल वि भणे अलं, कयण्णुसिररयण ! संभ्रमेण इहं । किंनु इमं वृत्तंतं १, कहेसु एसोवि इय भगइ ॥२२॥
For Private & Personal Use Only
linelibrary.org
