________________
एवं धम्मस्स विणओ, मूलं परमो से मुक्खो । जेण कित्तिं सुयं सिग्छ, नीसेसं चाभिगच्छइ ॥३४॥ इय गुरुवयणं पवणं व, वणदवो पप्प सप्प इव कूरो । कोवेण धगधगतो, सो अहिययरं समुज्जलिओ ॥३५॥ सो अण्णया अकज्जम्मि, कत्थई चोइओ मुणीहिंपि । जाओ भिसं पउट्ठो, इहपरलोए य निरविक्खो ॥३६॥ सव्वेसि घायणत्थं, तालउडविसं खिवित्तु जलमज्झे । सो एगदिसाहुत्तो, सयं पणट्ठो उ भयभीओ ॥३७॥ गच्छाणुकंपियाए, य देवयाए तयं कहेऊण । तप्परिभोगपवत्ता, निवारिया साहुणो सव्वे ॥३८॥ सो वचंतो रण्णे, कत्थवि वणदवपलित्तसव्वंगो । मरिऊण समुप्पन्नो, परमाऊ अप्पइट्ठाणे ॥३९॥ सो मच्छेसुं पुणरवि, नरए तिरिए पुणोवि नरयम्मि । सव्वत्थ दहणछिंदणभिंदणवियणाहिं संतत्तो ॥४०॥ भमिओ भूरिभवेसुं, अण्णाणतवं करित्तु किंपि पुरा । जाओ धणयनरिंदस्स, एस अइवल्लहो पुत्तो ॥४१॥ रिसिघायपरिणएणं, जं च तया अज्जियं असुहकम्मं । तस्सेसवसा इण्हि, एयमवत्थं गओ कुमरो ॥४२॥ तो भीएणं कंठीरवेण पणमित्तु पभगिय नाह ! । कह होइ पुणो एसो, पउणो ? पडिभणइ मुणिनाहो ॥४३॥ खीणप्पायं कम्म, इमस्स संपइ विमुच्चमाणो य । चिट्ठइ वियणाहि इहागओ विमुच्चिहिइ सव्वत्तो ॥४४॥ इय सोउ मंतिपमुहा, लोया हरिसियमणा कुमरपासं । संपत्ता अह दिहो, पउणप्पाओ तओ तेहिं ॥४५॥ कहिओ केवलिकहिओ, पुव्वभवाई य वइयरो तस्स । तो सो भीओ पमुइयमणो य पत्तो सुगुरुपासे ॥४६॥ नमिउं सूरिं कंठीरवाइबहुलोयसंजुओ कुमरो। निस्सीमभीमभवभयभीओ दिक्खं पवज्जेइ ॥४७॥
Jain Education in
For Private Personel Use Only
C
hinelibrary.org
