________________
Jain Education Intemational
तो जियसत्तुनरिंदो, सुबुद्धिमंतिस्स अंतिए तुट्ठो । सम्मं दुवालसविहं, गिहत्थधम्मं पवज्जे ॥४१॥ तइया थेरागमणं, वंदणवडियाइ निग्गओ राया । मंतीवि सुणिय धम्मं, हिट्ठो विन्नवइ गुरुपाए ||४२|| तुम्हाणमंतिए हैं, पव्वहं नवारे पुच्छिउं भूवं । भणियं गुरूहि भो मंति !, मा पमायं करिज्जासि ॥४३॥ अह तेण निवो पुट्ठो, पपए मंति ! निययरज्जमिणं । पालित्तु किंचि कालं, दुवेवि दिक्खं गहिस्सामो ॥४४॥ एवं होति पयंपियम्मि सचिवेण दोवि तं रज्जं । धम्मं तह पालंता, बारसवरिसाई वोलंति ||४५|| इत्तो य तर्हि पत्ता, थेरा तेसिंतिए सुणियधम्मो । अहीणसत्तु नियपुत्तठवियगुरुरज्जपन्भारो ||४६ || सुहबुद्धिसुबुद्धिसुमंतिसंजुओ पवयणं पभावंतो । गिण्हइ वयं नरिंदो, विम्हावियदेवदेविंदो ॥४७॥ उग्गा उग्गविहारी, दुवेवि इकारसंगसुयधारी । अइसुद्धबंभयारी, कुणंति दिक्खं निरइयारी ॥ ४८ ॥ विलसंतसियज्झाणा, रक्खियनीसेसजंतुसंताणा । उप्पन्नविमलनाणा, सिद्धिं पत्ता मुणिपहाणा ॥ ४९ ॥ इति स्पष्टं यस्माज्जिनवचनपुष्पैकमधुकृत्, सुबुद्धिर्मन्त्रीशः स्वपरहितकर्त्ता समजनि । विशेषज्ञत्वाख्यं गुणममलमेनं कृतधियः !, श्रयन्तां संसारस्फुरदुदधिपोतप्रतिकृतिम् ॥५०॥ इति सुबुद्धिमन्त्रिकथा समाप्ता ।
उक्त विशेषज्ञ इति षोडशो गुणः, सम्प्रति वृद्धानुग इति सप्तदशं गुणमभिधित्सुराह— बुड्डो परिणयबुद्धी, पावायारे पवत्तई नेव । बुड्डाणुगो वि एवं, संसग्गकिया गुणा जेण ॥ २४ ॥
For Private & Personal Use Only
www.jainelibrary.org
