________________
श्रीधर्मरत्नप्रकरणम् ॥७१॥
विशेषन्नत्वाख्यो गुणः
१६
तो तं वासइ मंती, एलासकरियमाइदव्वेहिं । रण्णो पाणियधरियं, सदावित्ता इमं आह ॥२७॥ भो भो! तुमं निवइणो, भोयणवेलाइ उदगरयणमिणं । उवणिज्ज सोवि जंपइ, जं सामी आणवेइ ति ॥२८॥ तेणवि तहेव विहिए, राया गुरुहरिसपुलइयसरीरो । सपरियणोवि पसंसइ, अहो ! इमं उदगरयणं ति ॥२९॥ तयणु नरिंदो पाणियहरियं सद्दाविउं भणइ भद्द ! | आसाइयं कओ ते, जलरयणमिणं ? इमो आह ॥३०॥ देव ! मए दगरयणं, सुबुद्धिसचिवाउ पावियं एयं । तो राया सद्दाविय, सुबुद्धिमंतिं इय भणेइ ॥३१॥ किं मंति! तुह अणिट्ठो, अहयं ? जेणेयमुदगवररयणं । कल्लाकल्लि भोयणवेलाए नो उवट्ठवसि ॥३२॥ हंहो देवाणुपिया !, कत्तो एवं तए समुवलद्धं । पभणेइ मंतिपवरो, तं परिहोदगमिणं देव ! ॥३३॥ इमिणा मए उवाएण, एरिसं कारियं महीनाह ! । तं वयणममन्नंतो, रायावि तहेव कारेइ ॥३४॥ तं कमसो जलरयणं, जायं माणसजलं व दट्टणं । जंपेइ मंतिराय, राया विम्हयभरियहियओ ॥३५॥ देवाणुपिया ? कत्तो, तए विसेसा इमे परिणाया । अइसुहमबुद्धिगम्मा? स आह जिणवयणओ देव ! ॥३६॥ भणइ निवो जिणवयणं, तुहंतिए मंति! सोउमिच्छामि । केवलिपणीयमणहं, धम्म एसोवि साहेइ ॥३७॥ पदम चाउज्जामं, धम्म मुणिजणनिसेवियं कहिउँ । सम्मईसणमूलं, गिहत्थधम्मपि साहेइ ॥३८॥ तं सोउ भणइ निवई, अमच्चवर ! पवयणं तु निग्गंथं । सच्चमणुत्तरमिच्चाइ, सद्दहामी तहिच्चाइ ॥३९॥ किं तु अहं तुह पासे, सावयधम्म गहित्तुमिच्छामि । मंतीवि भणइ सामिय !, मा पडिबंध करेसु त्ति ॥४०॥
तत्र सुबुद्धि मन्त्रिकथा। ॥७१॥
Jain Education international
For Private Personal Use Only
www.jainelibrary.org
