________________
सुहसदा सुहरूवा, सुहगंधा सुहरसा सुहा फासा । असुहत्तेणं जायंति, पुग्गला नणु पओगेण ॥१४॥ एवं सुबुद्धिवयणं, न सद्दहइ नरवई कयावि पुणो । सामंतमंतिसहिओ, विणिग्गओ वाहियालीए ॥१५॥ परिहोदयअंतेणं, वयमाणो दुरहिगंधअभिभूओ । दढपिहियवयणनासो, अक्कमिओ कंपि भूभागं ॥१६॥ जंपेड़ मंतिमाई, अहो इमं मंगुलं परिहउदयं । अहिमडयदुरहिगंध, भणंति ते देव ! एवमिणं ॥१७॥ तो भणइ सुबुद्धिं पइ, उब्वेयकर अहोदगं एयं । मंती वि आह नरवर !, न हु जुत्तो इत्थ उव्वेओ॥१८॥ जं अगुरुघुसिणघणसारकुसुमपमुहेहि सुरहिदव्वेहिं । वासियमित्ता असुहा, वि पुग्गला जति सुहभावं ॥१९॥ कप्पूरमाइणोवि हु, अइसुइणो देहमाइमासज्ज । असुहा हवंति तम्हा, सुहअसुहकहा न वत्तव्वा ॥२०॥
अत:पुग्गलाण परीणाम, तेसिं नच्चा जहा तहा । विणीयतण्हो विहरे, सीईभएण अप्पणा ॥२१॥ अह ईसिफरियकोवो, नरनाहो जंपए महामंति !। मा परमप्पं तदुभयमेवं कुग्गाहियं कुणसु ॥२२॥ चिंतइ मंतिवरिहो, अहो इमो नरवरो कहं होही । परमत्थविसेसन्नू, जिणपवयणभावियमई य? ॥२३॥ अइपच्चइयनरेहिं, संझासमयम्मि नवयकुंभेहिं । परिहोदगमाणाविय, गालिय खेवइ नवघडेसु ॥२४॥ पक्विविय सज्जखारे, ते लंबियमुद्दिए करावेइ । महया जत्तेण पुणो, सत्त दिणे परिवसावेइ ॥२५॥ एवं दुच्चं तच्चंपि, सत्त राईदियं कए संते । तं जायमुदगरयणं, अच्छं सच्छं फलिहवण्णं ॥२६॥
Education
For Private Personal Use Only
www.jainelibrary.org
