________________
विशेषज
श्रीधर्मरत्नप्रकरणम् ॥७ ॥
त्वाख्यो गुण:
१६
इह पुनभद्दचेइयविभूसिया अस्थि पुरवरी चंपा । तत्थ जियसत्तुराया, राया इव सयलजणइट्ठो ॥१॥ रूवेण हारिणी सीलसालिणी धारिणी पिया तस्स । अइदीणीकयसत्तू अदीणसत्तू, य जुवराया ॥२॥ उप्पत्तियाइचउविहविसुद्धनियबुद्धिविजियसुरमंती। जीवाजीवाइपयत्थसत्थवित्थरविसेसन्नू ॥३॥ रजधुराचिंतणपवणमाणसो धम्मकम्मकयकरणो । निवमाणसकलहंसो, अस्थि सुबुद्धी महामंती ॥४॥ मयकुहियविणटुअणिट्टगंधउद्धरसरीरसंछन्ना । मेयवसमंसरुहिराइपिच्छिला असुइबीभत्था ॥५॥ मयसप्पसाणगोणाइदेहदुग्गंधसलिलपडिपुण्णा । ईसाणदिसाइ पुरीइ, तीइ बहि अत्थि गुरुपरिहा ॥६॥ कइयावि हु भोयणमंडवम्मि निवई सुहासणनिसण्णो । राईसरतलवरकुमरसिद्विसत्थाहपभिइजुओ ॥७॥ आसायणिज्जवीसायणिज्जपल्हायणिज्जमाहारं । सुहवण्णगन्धरसफरिसपरिगयं झुंजए हिट्ठो ॥८॥ भुत्तुत्तरम्मि तम्मि य, आहारे जायविम्हओ भणइ । राईसरपमुहजणे, अहो मणुन्नो य आहारो ॥९॥ ते वि हु अणुवित्तीए, भणति जं आणवेइ सामि त्ति । तत्तो य सुबुद्धिं पइ, जंपइ एवं चिय नरिंदो ॥१०॥ निवइस्स एयमढे, मंती नाढाइ न परियाणाइ । तुसिणी चिट्ठइ तत्तो, दुच्चं तच्चं पि आह निवो ॥११॥ अह जंपइ वरमंती, सामिय ! एयम्मि अइमणुनेवि । आहारे अम्हाणं, न मणागवि विम्हओ होइ ॥१२॥ जं पुग्गला सुहा वि हु, असुहत्तेणं खणेण जायंति । असुहा वि हु सुहभावेण परिणमंते खणेणावि ॥१३॥
किंच
तत्र सुबुद्धि मन्त्रिकथा । ॥७ ॥
Jain Educaton international
For Private Personel Use Only
www.jainelibrary.org
