________________
संति मम जणयगेहे, बहुकुट्ठारेसु संनिखित्ता ते । सगडाइवाहणेहिं, तो आणावइ लहुँ सिट्ठी ॥२५॥ तो नियभिप्पायं कहिय सिविणा पुच्छिओ सयणवग्गो। किं इत्थ उचियमिहि ? स आह तुम्भि च्चिय मुणेह ॥२६॥ जंपइ धणोवि उज्झणसीला पढम त्ति उज्झिया नाम । छारछगणाइछडणवावारा वसउ मह गेहे ॥२७॥ रंधणकंडणसोहणदलणाइनियोगिणी हवउ बीया । नियआयरणवसेणं, भोगवई नाम सुपसिद्धा ॥२८॥ जं सालिकणा जत्तेण रक्खिया रक्खियाभिहा तेण । मणिकणगरयणभंडारसामिणी हवउ तइयवहू ॥२९॥ अणइकमणिज्जाणा, तुरिया सव्वस्ससामिणी होउ । सालिकणरोहणवसा, रोहिणिनामा गरुयपुण्णा ॥३०॥ एवं च दीहदंसित्तणेण काउं कुटुंब सुत्थं सो । धणसिट्ठी निम्मलधम्मकम्मआराहगो जाओ ॥३१॥ अन्लोवि इहोवणओ, छटुंगे रोहिणीइ नायम्मि । भणिओ सुहम्मपहुणा बहुणा, किर वित्थरेणेवं ॥३२॥ जह सो धणो तह गुरू, जह नायजणो तहा समणसंघो । जह वहुया तह भव्वा, जह सालिकणा वयाई तहा ॥३३॥ जह सा उज्झियनामा, ते सालिकणे समुज्झिउं पत्ता । पेसणदुक्खं परमं, तह कोइ जिओ कुकम्मवसा ॥३४॥ सयलसमीहियसंसिद्धिकारए तारए भवसमुद्दा । उज्झित्तु वए मरणाइ आवयाओ उवजेइ ॥३५॥ अन्नो उण बीयबहु ब्व वत्थभोयणजसाइलोमेण । भुत्तुं ताई परलोयदुक्खलक्खक्वणी होइ ॥३६॥ तत्तोवि य जो अन्नो, सो ताई जीवियं व रक्खित्ता । रक्खियवहु व जायइ, सव्वेसि गउरवट्ठाणं ॥३७॥ जो पुण तओवि अन्नो, रोहिणिवहुय व्व बुड्डिमाणेई । पंचवि वयाइ स हवइ, संघपहाणो गणहरु व्व ॥३८॥
Join Education International
For Private 8 Personal Use Only
www.jainelibrary.org
