________________
तत्यारुहिउँ कुमरो, निविसइ सीहासणम्मि पुव्वमुहो । दाहिणपासे भद्दासणम्मि, कुमरस्स पुण जणणी ॥७४॥ षित्तुं रयहरणाई, वामे पासे तहंबधाई से । छत्तं पित्तुं एगा, वरतरुणी पिटुओ य ठिया ॥७॥ चामरहत्थाउ दुवे, उभओ पासे तहेव पुव्वाए । वीयणगकरा तह हुयवहाइभिंगारवग्गकरा ॥७६॥ समरूवजुव्वणाणं, समसिंगाराण हरिसियमणाणं । उक्खित्ता अह सीया, रायसुयाणं सहस्सेण ॥७७॥ अह सुत्थियाइ संपत्थियाई से अट्ठ मंगलाई पुरो । समलं कियाण हयगयरहाण पत्तेयमट्ठसयं ॥७८॥ चलिया बहवे असिलट्ठिकुंतधयचिंधपमुहगाहा तो । अत्थत्थिया य बहवे, जयजयसई पउंजंता ॥७९॥ मग्गणजणस्स दितो, दाणं कप्पदुमु ब्व सो कुमरो। दाहिणहत्थेण तहा, अंजलिमालापडिच्छन्तो ॥८॥ दाइज्जतो मग्गे, सो अंगुलिमालियासहस्सेहिं । पिच्छिज्जतो य तहा, लोयणमालासहस्सेहिं ॥८॥ पत्थिज्जतो अहियं, हिययसहस्सेहि तह य थुवंतो । वयणसहस्सेहि इमो, संपत्तो जा समोसरणं ॥८२॥ सीयाओ उत्तरिउं, जिणपयमूलेऽभिगम्म भत्तीए । तिपयाहिणीकरेउं, बंदइ वीरं सपरिवारो ॥८३॥ अह वंदिउं जिणिदं, भणति पियरो इमं जहेस सुओ। अम्हं एगो इट्ठो, भीओ जरजम्ममरणाणं ॥८॥ तो तुम्हें पयमूले, निक्खमिउं एस इच्छइ तओ मे । देमो सचित्तभिक्खं, पुज्जा पसिऊण गिण्हंतु ।।८५॥ भणइ पहू पडिबंधं, मा कुवह तयणु भद्दनंदी वि । गंतुं ईसाणदिसं, मुंचइ सयमेवऽलंकारं ॥८६॥ लुंचइ केसकलावं, पंचहि मुट्ठीहि तो तहिं देवी । तं च पडिच्छइ हंसगपडेण अंसूणि मुंचती ॥८७॥
For Private Personal Use Only
