________________
घवहेतुर्न भवेत् । अत एवंविधः सुपक्षो धर्माधिकारी स्यादिति ।
भद्रनन्दिकुमारकथा चैवम्इह सुरयणसोहिल्लं, करिवयणसमं समत्थि उसभपुर । ईसाणदिसाइ तहिं, थूमकरंडं ति उजाणं ॥१॥ सव्वोउगतरुनियरे, तत्थासी पुष्णनामजक्खस्स । सन्निहियपाडिहेरस्स, चेइयं बहुयजणमहियं ॥२॥ तं नयरं परिपालइ, मालइकुसुमं व मालिओ अहयं । लहुयकरो पवरगुणो, धणावहो नाम नरनाहो ॥३॥ सहसंतेउरसारा, अक्खलियविसालसीलपब्भारा । तस्सासि महुरसुंदरसरस्सई सरस्सई भज्जा ॥४॥ सा निसि कयाइ वयणे, हरिं विसंतं निएवि पडिबुद्धा । नरवइसमीपमुवगम्म, सम्ममक्खेइ तं सुमिणं ॥५॥ रज्जधरो तुह पुत्तो, होही भणिए निवेण सा एवं । होउ ति भणिय रइभवणमुवगया गमइ निसिसेसं ॥६॥ गोसे तोसपरवसो, राया व्हाओ अलंकियसरीरो। सीहासणमासीणो, सद्दावइ सुमिणसत्थविऊ ॥७॥ तेवि तओ लहु व्हाया, कयकोउयमंगला समागम्म । वद्धावित्तु जएणं, विजएण निवं सुहनिसण्णा ॥८॥ भदासणम्मि पवरे, देविं ठावित्तु जवणियंतरियं । राया पुप्फफलकरो, तं सुमिणं अक्खए तेसिं ॥९॥ सत्थाई वियारेउं, निवपुरओ ते कहंति जह सत्थे । बायालीसं सुमिणा, तीसं वुत्ता महासुमिणा ॥१०॥ चउदस गयाइसुमिणे, नियंति जिणचकिमायरो तेसिं । कमसो सग चउ एकं, हरिवलमंडलियजणणीओ ॥११॥ देवीए जं दिट्ठो, सुमिणे पंचाणणो तओ पुत्तो । समयम्मि रज्जसामी, राया होही मुणी अहवा ॥१२॥
Jain Educaton International
For Private Personel Use Only
www.jainelibrary.org
