________________
गिहिस्सामो अम्हे, वि तायपाएहि सह समणभावं । पडिभणियं नरवडणा, मा पडिबंधं कुणह वच्छा ! ॥२०॥ तो विजयवम्मनियभाइणिजकुमरे ठवित्तु रजभरं । जिणनाहचेइएमुं, काउं अट्ठाहियामहिमं ॥२०१॥ कइवयअंतेउरपुत्तपुत्तिसामंतमंतिमाइजुओ । गिण्हइ सुदत्तगुरुणो, पासे गुणहरनिवो दिक्खं ।। २०२॥ कारुण्णसुपुण्णेणं, विण्णत्तो कुमरसाहुणा सूरी । नयणावलिं पि भयवं!, नित्थारसु भवसमुद्दाओ ॥२०३ ॥ भणइ गुरू करुणायर !, सा संपइ कुट्ठवाहिविहुरतणू । अच्छिन्नमच्छियाजालपरिगया लोयपरिभूया ॥ २०४ ॥ पइखणफुरंतरुद्दज्झाणवसा बद्धतइयनरगाऊ । अइदीहरसंसारा, धम्मस्सुचिया न थेवं पि ।। २०५॥ तो गुरुवेरग्गगओ, चरणं पालित्तु अभयरुइसाहू । तह अभयमई समणी, जाया देवा सहस्सारे ॥ २०६ ॥ इत्थेव भरहखित्ते, खित्ते इव करिसएहि कयसोहे । संकेयनिकेयं वरसिरीइ पुरमत्थि साएयं ।। २०७ ।। विणयंधरो धरो इव, सुपइट्टो सफलओ निवो तत्थ । लच्छिमई तस्स पिया, पियामहस्सेव सावित्ती ॥ २०८ ।। अह सोऽभयरुइजीवो, तत्तो चविऊण तीइ उयरम्मि । मुत्तामणि ब्व सुत्तीपुडे सुचित्तो समुप्पन्नो । २०९॥ पडिपुण्णेसु दिणेसुं, सुसुमिणपिसुणियसुपुण्णपन्भारं । सा पसवइ मलयमहि, व्व चंदणं नंदणं परमं ॥२१॥
नाऊण इमं राया, पियंवयादासचेडिवयणाओ । कारेइ हट्टतुट्ठो, नयरे बद्धावणं एवं ॥ २११॥ १°अह इत्थ°ख । २ एयंक-ख ।
Jain EducationR.15
For Private
Personal Use Only
M.jainelibrary.org
