________________
धर्मरत्नप्रकरणम्
दयालुगुणः१०
जइ संतिनिमित्तं पि हु, विहिओ पिट्ठमयकुक्कुडवहो वि । तायज्जियाण जाओ, एवंविहदारुणविवागो ॥१८६॥ हा अहयं किह होहं, निरत्थयं जेण जियसया वहिया । अइकोहलोहमोहाभिभूयचित्तेण निच्चं पि ॥१८७॥ ता नूणं गंतव्वं, सरसरलेणं पहेण नरयम्मि । नत्थि हु इत्थ उवाओ, अहवा पुच्छामि भयवंतं ॥ १८८ ॥ अह मुणिउं निवहिययं, आह मुणी सुणसु नरवर ! उवायं । मणवयणतणुविसुद्धा, जिणिंदसद्धम्मपडिवत्ती ।। १८९॥ मिनी पमोय करुणा, मज्झत्थं सब्बया वि कायव्वं । नीसेसजियगुणाहियकिलिस्समाणाविणीएसु ॥ १९० ॥ एवं काउं सम्मं, परिपालिय निरइयारवयनियमा । निद्ववियअट्टकम्मा, परमपयं जंति अचिरेण ॥ १९१ ॥ अह तुट्ठो भणइ निवो, भयवं! अहमवि वयस्स किं उचिओ? । वागरइ गुरू नरवर !,अन्नो को नाम उचिओत्ति ॥१९२॥ तो रण्णा नियपुरिसा, वुत्ता भो! भो! कहेह मंतीणं । जह देवाणुपिएहि, कुमरो रज्जेभिसित्तब्वो ॥ १९३ ॥ न य कायब्बो खेओ, गहेमि दिक्खं सुदत्तगुरुपासे । तेहि वि तहेव कहियं, गंतूणं मंतिपमुहाणं ॥ १९४ ॥ ते संभंता सब्वे, अंतेउरिआउ कुमरकुमरीओ । सेसो परियणलोओ, तत्थारामे लहुं पत्तो ॥ १९५॥ मेइणितलासणत्थं, विच्छड्डियछत्तचामराडोवं । कह कह वि निवं नाउं, सगग्गयं ते भणंति इमं ॥ १९६ ।। गयदादु व्व भुयंगो, वारीढ़ व मत्तमायंगो । सीहो व्व पंजरगओ, किं झायसि रज्जभट्ट व्व ? ॥ १९७ ॥ तो रण्णा सव्वेसि, मुणिवयणं साहियं निरवसेसं । तं सुणिय जाइसरणं, संजायं कुमरकुमरीण ॥ १९८ ॥ संवेगमाविएहि, भवउविग्गेहि तेहि उल्लवियं । ताय ! अलं अम्हाणं, भोगेहिं भोगिभीमेहिं ॥ १९९ ॥
तत्र यशोधर दृष्टान्त: ४६
JainEducatcia13
For Private Personal use only
ainelibrary org
