________________
धर्मरत्न
प्रकरणम् ३९
Jain Education International
किंतु अपि गहिस्सं, सहेव पव्वजमञ्जउत्तेण । चिट्ठा पच्छा जुण्हा, फुडमुडुवइणो विणा कह णु १ ।। १५ ।। तो चिंतइ नरनाहो, अहो अहो मज्झ उवरि देवीए । अइ निविडो पडिबंधो, अहो अहो विरहभीरुतं ।। १६ ।। इत्थंतरम्मि मिउगहिरसद्दओ नमियदाहिणकरेण । कालनिवेएण निउणं, पढियमिणं तन्निउत्तेणं ।। १७ ॥ लधुं पसिद्धमुदयं, पयावपसरं कमेण वडित्ता । उज्जीवित्ता भ्रुवणं, संपर अत्थमइ दिणनाहो ॥ १८ ॥ तं सोउचित निवो, हा इहं नत्थि कोइ निचसुही । इत्तिय दसाउ विवसो, पइदिवस सहइ सूरो वि ॥ १९ ॥ संझाकिञ्चं तो काउ ठाउमत्थान मंडवम्मि खणं । नयणावली समलंकियम्मि पत्तो रइगिहम्मि ॥ २० ॥ संसारसरूवनिरुवणिकपवणस्स निहुयचित्तस्स । विसयविमुहस्त रण्णो दूरं ओसरियनिदस्स ।। २१ ।। सुत्तो निबु त्ति उक्कडमयणा नयणावली समुट्ठे । उग्घाडिउं कवाडे, विणिग्गया वासगेहाओ || २२ ॥ चिंतनवो अवेलं, किं एसा निग्गय त्ति हुं नायं । मह भाविविरहभीरू, नूणं मरिहि त्ति बारेमि ॥ २३ ॥ तयणु अणुपुवमेईइ जाइ जा नरवईवि गहियासी । पासायपालओ ताव, खुज्जओ तीह उट्ठविओ ॥ २४ ॥ अह ते देवि पमत्ते, करालकरवालघायपायले । जा खिविही काववसा, निवई इय चिंतए ताव ।। २५ ।। उन्भडरिउभडसंघडियकरडिघडकरडदलण दुल्ललिओ । वियलियसीलेसु इमेसु एस कह वहउ मह खग्गो ।। २६ । अहवा किमिमी चिंताइ पत्थुयत्थस्स अणणुरूवाए । इय वलियविलियचित्तो, सिज्जाठाणं निवो पत्तो ॥ २७ ॥ चिंतइ सयणिज्जगओ, अहो महेला अनामिया वाही । विसकंदली अभूमा, विवइया भोयणेण विणा ।। २८ ।।
For Private & Personal Use Only
दय... गुणः १०
३९
तत्र यशोधर
दृष्टान्तः ३९
www.jainelibrary.org
