________________
RCCCCXXXXXXXXXXXXXXXXXXX
अस्थि पुरी उजेणी, जत्थ जणो विमलसीलदुल्ललिओ। कलिओ विहवभरेणं,न कयावि निएइ परदारं ॥२॥ अमरू ब्व अमरचंदो, सुहासो तत्थ आसि नरनाहो । वरलावण्णगणहरा, जसोहरा तस्स पाणपिया ।। ३ ।। ताण कयविवुहतोसो, सुरिंददत्तो सुओ सुरिंदु च । परमेस गुतभेई, नेव य कझ्यावि वइरकरो ॥४॥ नियसंगमउजीबियमयणा सारयससंकसमवयणा । तस्स य नीलुप्पलदलनयणा नयणावली भजा ॥५॥ अनदिणे रजभरं, पुत्ते संकमिय अमरचंदनियो । पडिवण्णो कयउण्णो, समणतं असमसुमणतं ।। ६ ।। महिहरबुझंतकरो, पयडियकमलो य हणियरिउतिमिरो । रविरिख सुरिंददत्तो वि कुणइ सच्चक्कमइसुहियं ॥ ७ ॥ अह अन्नदिणे रणो, सारसिया नामियाइ दासीए । पलियच्छणेग कहिओ, समागओ धम्मदूओ ति ॥ ८ ॥ तत्तो चिंतेइ निवो, अथिरत्तं अहह सबभावाणं । ही तुच्छया भवस्स य, ह हा चलत्तं तरुणयाए ॥९॥
अवि यदिवसनिसाघडिमालं, आउयसलिलं जणस्स पित्तणं । चंदाइचवइल्ला, कालरहट्ट ममाडंति ॥१०॥ (वैराग्य श०गा०६) जीवियजलम्मि झीणे, सरीरसस्सम्मि परिसुसंतम्मि | को वि हु नथि आओ, तहवि जणो पात्रमायरह ।।११।। ता किं इमीद मज्झ, रंगततरंगभंगुरतराए । निवलच्छीइ सुतुच्छाइ, नरयपुरसरलसरणीए ॥ १२ ॥ गुणहरकुमरं गुणरयणकुलहरं ठाविऊण नियरजे । पुबपुरिसाणुचिण्णं, सामण्णं अणुचरामि त्ति ॥ १३॥ तो सिहो दइयाए, नियभिप्पाओ निवेण सा आह । जं भे रोयइ तं कुणसु, नाह! न करेमि विग्धमहं ॥ १४॥
Jain Educat
i
on
For Private Personel Use Only
Frjainelibrary.org
