________________
BXXXXX
इत्थंतरम्मि नियसियकत्ती कत्तीरउद्दपाणितलो । असिमसिकसिणसरीरो, गुंजापुंजारुणत्थिउडो ॥१३॥ अट्टहासजियफुट्टमाणभंडभंडचंडरवो । हण हण हण त्ति भणिरो, समुडिओ रक्खसो एगो॥ १४ ॥ भणइ य जोई रे ! रे !, अणज ! अञ्जवि अकजसज! इह । मज्झ वि पूयमकाउं, चिट्ठसि ता धिट्ठ ! नहो सि ॥१५॥ मह मुहकुहरहुयासे, तुह संगिल्लं इमं कुमारं पि । लहु दहउ तणगणं पिव, अहव कुसंगो न किं जणइ ?।। १६ ॥ तव्वयणसवणउप्पन मन्नुभरिओ भणेइ तो कुमरो। रे! रे ! तुह ज पत्तं, कयंतदंतं समुणपत्तं ॥ १७ ॥ मइ पासठिए विग्धं, इमस्स सक्को वि काउ न हु सक्को । इय जंपतो पत्तो, झत्ति कुमारो तयासन्नं ॥ १८ ॥ अइ दोवि कोवकवडनिविडभिउडिणो फुरफुरंतअहरदला । अण्णुण्णं पहरंता, तज्जंता फरुसवयणेहिं ॥ १९ ॥ जा संपत्ता दूरं, ता नवरयणीयरु ब्व रयणियरो । खिणमित्तेणं कुडिलो, नयणअगोयरपहं पत्ता ॥२०॥ पडियागओ कुमारो, गयजीयं जोइयं निएऊण । गुरुतरविसायविहुरो, पलोयए खेयरिं तेण ॥२१॥ तमवि मयच्छिमपिच्छिय, हयसव्वस्सु च दीणकसिणमुहो । निंदइ अत्ताणमत्ताणकारणं सरणपत्ताण ।। २२ ॥ इत्तो झत्ति स पत्तो, खयरो कुमरं नमित्तु वजरइ । तुज्झ पभावेण मए, निहओ दक्खो वि पडिवक्खो ॥ २३ ।। ता परनारिसहोयर !, सरणागयवजपंजर ! सुधीर !। अणवञ्जकज ! अप्पसु, मह पाणपिय पियं कुमर ! ॥ २४ ॥ परकजउज्जयमणो, तुह वीओ नत्थि इत्थ जियलोए । जयतुंगरायवंसो, विभूसिओ तुज्झ जम्मेण ।। २५ ॥ जह जह धुव्वइ कुमरो, तह तह उव्विग्गमाणसो धणियं । लज्जाभरमंथरकंधरो य न दु किंपि जंपेइ ॥ २६ ॥
Jain Education that
For Private Personel Use Only
Jainelibrary.org
