________________
धर्मरत्नप्रकरणम्
गुण ९
३६
तं पइ पुणो पयपइ, खयखारं पिव खरं गिरं खयरो । जइ तुह कजं मह पणइणीइ ता जामि एस अहं ॥२७॥ तुह सरिसपवरपुरिसस्स मह प्पिया जइ सि जाइ उवओगं । लद्धं जं लहियवं, मण पि मा कुणसु मणखेयं ॥ २८॥ इय वुत्तुं उप्पइओ, खयरो ता चिंतए इमं कुमरो । अहह ! बहुपावभरिओ, निम्मलकुलदसणो अहयं ॥ २९ ॥ सरणागए न रक्खइ, विजयकुमारु ति किं न पजत्तं । जं कुणसि परिस्थिकलंकअंकियं मं अरे ! दिव! ॥३०॥ वरमिह पाणच्चाओ, लज्जिकधणाण पवरपुरिसाण । भट्ठपइण्णाण कलंकियाण न जियं पि जं भणियं ॥ ३१ ॥
लजां गुणौधजननी जननीमिवार्यामत्यन्तशुद्धहृदयामनुवर्तमानाः ।
तेजस्विनः सुखमसनपि सन्त्यजन्ति, सत्यव्रतव्यसिननो न पुनः प्रतिज्ञाम् ।। ३२ ॥ इय चिंताभरविहुरं, कुमरं को वि हु सुरो सुकंतिल्लो । जंपइ आहरणपहाउज्जोइयसयलदिसिचको ॥ ३३ ॥ मा कुणसु कुमर ! खेयं, सेयं एवं सुणेहि मह वयणं । इयरो वि भणइ तुह वयणसवणप्पवणा इमे सवणा ॥ ३४ ॥ आह सुरो वीरपुरे, पुरम्मि जिणदासनामवरसिट्ठी । कयगुरुजणअणुसट्ठी, अइधम्मिट्ठी विमलदिट्टी ॥ ३५ ॥ तस्स य मिच्छद्दिट्ठी, मित्तो अइवल्लहो धणो नाम । सो पडिवज्जइ वज्जियविसओ तावसवयं कइया ॥ ३६ ॥ तो चिंतह जिणदासो, एए अण्णाणिणो वि जइ एवं । पावभरपसरभीरू, विसं व विसए परिहरंति ॥ ३७॥ अवगयभवस्सरूवा, जिणपवयणसवणनायनायव्वा । निम्मलविवेइणो वि हु, ता कि अम्हे न ते चइमो १॥३८॥ इय चिंतित्तु सविणयं, विणयंधरगुरुसमीवगहियवओ। अणसणविहिणा मरिउं, जाओ सोहम्मसग्गसुरो ।। ३९ ॥
तत्र विजयकुमार दृष्टान्त: ३६
Jain Educational
For Private Personal Use Only
www.jainelibrary.org
