________________
Jain Education Xtional
कालकमेण बुद्धि, गयम्मि गन्भम्मि मयहरीह इमा । पुट्ठा रहम्मि साहइ, जहट्ठियं कारणं तीसे ॥ १६ ॥ पच्छा पच्छष्णं चिय, ता घरिया जा सुयं पसूया सा । कयखुङगकुमरक्खो, सडगिहे वडिओ सो उ ।। १७ ।। सिरिअजियसेणगुरुणा, समए पञ्चाविओ समयविहिणा । सिक्खिविओ य समग्गं, जड्जणजुग्गं समायारं ॥ १८ ॥ अह सो कसो अरू उव्वणं जुव्वणं समणुपत्तो । हीरिज्जतो विसएहिं, करणग्गामेण रुग्भतो ॥ १९ ॥ सज्झाये सीयंतो, संजममणुपालिउं अचायंतो । पडिभग्गो जणणि सो, पुच्छइ उन्निक्मणहेउं ॥ २० ॥
सुणि सा सहसा, करालकुलिसाहय व्ब दुक्खत्ता । गग्गरसरं पर्यपर, हा ! किं ते चिंतियं वच्छ १ ॥ २१ ॥ जइ चलइ मंदरो सुसह सायरो ल्हसह सयलदिसिचकं । तहवि हु सप्पुरिसाणं पयंपियं नन्नहा होइ ॥ २२ ॥ सारयससहरकरनियरधवलसीलस्स पाणिणो वच्छ ! । मरणं पि वरं न कयावि, सीलभंगो जओ भणियं ॥ २३ ॥ वरमरिसदनेभ्यो भिक्षया प्राणवृत्तिर्वरमनलनिपातप्लोषणाद्देहमुक्तिः ।
वरमसमगिरीन्द्रप्रस्थपातः पवित्रो, भवति तदपि नेष्टः शीलभङ्गो बुधानाम् ॥ २४ ॥ पडुपवणपहयधयवडचवलं नाऊण जुव्वणं जीयं । मा मुज्झसु वच्छ ! तुमं, अकजसज्जं मणं काउं ।। २५ ।। को सुरनाहसमिद्धिं, चहउं दासत्तमहिलसह वच्छ ! । चहउं चिंतारयणं, कायमणि को व गिण्हेइ १ ।। २६ ।। अवि लब्भइ इंदत्तं, अहमिंदत्तं महानरिंदत्तं । असुरिंदत्तं न उणो, हे पुत्तय ! निव्वणं चरणं ॥ २७ ॥ इच्चाइ बहुपयारं, भणिओ वि हु जाव ठाइ न हु एस। तो गुरुकरुणारसभरपणुल्लिया भणइ इय जणणी ।। २८ ।।
१७
For Private & Personal Use Only
linelibrary.org
