________________
इमा उच्चारणा-कारण न करेमि आहारसण्णापडिविरतो सोइंदियसंवुडो पुढविकायसमारंभं खंतिसंपउत्तो, पढमो गमो । कायेण न करेमि आहारसण्णाविरओ सोइंदियसंवुडो पुढविसमारंभं मोत्तिसंपउत्तो बितितो । एतेण | कमेण बंभचेरसंपउत्तो दसमो गमो । एते दस गमा पुढविकायसमारंभविरतीए, एवं आउकारण दस, तेउ० वाउ० वणसति बे० ते. च० पं० अजीवकायसंजमे दस, एमेयं सतं गमा । एणं सोइंदियसंवुडं अमुंचमाणेण, लद्धं, चक्खिदिए सतं, घाणे वि सतं, जिब्भाए सतं, फासे सतं । एयाणि पंच सताणि आहारसण्णापडिविरयं | | अमुंचमाणेण लद्धाणि, एवं भयसण्णाए वि पंच सताणि, मेहुणे पंच सताणि, परिग्गहे पंच सताणि । एताणि वीसं सताणि ण करेमि ति अमुंचमाणेण लद्धाणि, एवं ण कारवेमि ति वीसं सताणि, करेंतं ण समणुजाणामि त्ति वीसं सताणि । एवमेताणि छ सहस्साणि कायं अमुंचमाणेण लद्धाई, वायाए वि छ सहस्साई, मणेण वि छ सहस्सातिं । एवमेताइं अट्ठारस सीलंगसहस्सातिं भवंति ॥ २५॥८२॥
किं पुण कामभोगनिवारणमेव केवलं धम्मसाहणभावेणं उपयुज्यते ? अह को वि विसेसो अत्थि ? भण्णति| सवसस्स कामभोगपरिचाओ भवति साहणं, अवसस्स ण भवति । कथं तरहि ण भवति ? उच्यते
७. वत्थ-गंध-मलंकारं इत्थीतो सतणाणि य ।
___ अच्छंदा जे ण भुंजंति ण से चागि त्ति वुच्चति ॥ २ ॥ ७. वत्थगंधमलंकारं० सिलोगो । वत्थाणि खोम-दुगुलादीणि, गंधा कुंकुमा-ऽगरु-चंदणादतो, | अलंकारो केस-वत्था-ऽऽभरणादि । इत्थितो नारितो। सतणाणि पलंकमातीणि । चकारेण इट्ठसद्दातिवि| सयपरिग्गहो । एगे जहुद्दिट्ठा विसया अच्छंदा जे न भुंजंति, अच्छंदा अकामगा, जे इति उद्देसवयणं,
ण भुंजंति ण उवजीवंति, ण से इति बहुवयणस्स स्थाणे एगवयणमादिटुं, चागी चयणसीलो इति, ते ण भण्णंति चागिणो जे ण भुजंति अच्छंदा । एत्थ उदाहरणं सुबुद्धी
Jain Education International
For Private & Personal Use Only
www.jainelibrary.org
