________________
अन्यशब्दफलमाह-'न क्रियाक्रियावतो'रित्यादि (४८१-६)। 'अतस्तभेदोपदर्शनायेति (४८१-१२), यतः सावधं योगं त्रिविधेन प्रत्याख्यात्यतस्तद्भेदोपदर्शनाय-सावद्ययोगप्रत्याख्यानभेदोपदर्शनाय 'सीयालं भंगसय मित्यादिगाथामाहेत्यर्थः । 'तो कह निजुत्तीए'इत्यादि (४८१-२१) गाथाव्याख्या-यदि प्रज्ञप्त्यां त्रिविधं त्रिविधेन गृहिणः प्रत्याख्यानमुक्तं ततः कथं नियुक्त्यां वक्ष्यमाणप्रत्याख्यानाध्ययनसम्बन्धियां "अणुमइनिसेहो"त्ति अनुमतिप्रत्याख्यानस्य निषेधः क्रियमाणो घटते, तथाहि-तत्र 'दुविहं तिविहेण पढमो'इत्याद्येव वक्ष्यति, न पुनः 'तिविहं तिविहेणं पढमउत्ति एवं परेणोक्ते सत्युत्तरमाह-( सो सविसयंमित्ति) स निर्युक्तावनुमतिप्रत्याख्याननिषेधः स्वविषये मध्यमखण्डादिरूपे यत आयातं वस्तु-वस्त्रहिरण्यश्रीखण्डादि परिभुते तद्विषयो द्रष्टव्यो, विषयबहिर्वर्तिस्वयम्भूरमणमत्स्यादिप्रत्याख्यानविषयं तु प्रज्ञप्त्यां त्रिविधं त्रिविधेनेत्युक्तमित्यदोषः, समाधानान्तरमाह-'सामन्ने वा नत्थी'त्यादि ( सामण्णेणं नत्थि ) यो वा अमुकक्षेत्रवर्त्तिन इति विशेषमन्तरेण सामान्यतो द्वीन्द्रियादयो मयान हन्तव्या इत्येवं प्रत्याख्याति तस्य नास्त्येव त्रिविधं त्रिविधेन प्रत्याख्यानं, तद्विषयः स निर्युक्तावनुमतिनिषेधः, प्रज्ञायां तु स्वयम्भूरमणाद्याधारविशेषितजन्तुप्रत्याख्यानविषयाऽनुमतिप्रत्याख्यानाभ्यनुज्ञेति न दोष इति गाथार्थः । 'आह कहं पुण मणसा' गाहा (४८२-१) व्याख्यापर आह-ननु च वाक्कायाभ्यां तावत्प्रत्यक्षादिप्रमाणत एव करणकारणानुमतयो दृश्यन्ते मनसस्तु ता नोपलभ्यन्ते तत्कथं तास्तत्र प्रत्येतव्या इत्याह-यथा वाग्योगतनुयोगाभ्यां करणकारणानुमतयः तथा मनसापि भवन्त्येव, कुत इत्याह'तदधीणत्ता वइतणुकरणाईण'मित्यनन्तरगाथायां सम्बन्धः, एतदुक्तं भवति-वाक्तन्वोः सम्बन्धीनि यानि करणानि-13
Jain Educat
i onal
For Privale & Personal use only
T
ww.jainelibrary.org
