________________
OPIAS GRUPSRS
संवादि स्थाने २ प्रोक्तमेवेत्युक्तं भवति येन च ग्रन्थेनोक्तं स स्वयमेवोभ्यूह्यमिति । 'कुट्टिमादौ विचित्राणी'त्यादि (४४७-१०) श्लोकव्याख्या-कुट्टिमे-स्वच्छकान्तिभृन्मणिनिचयखचितभूतले आदिशब्दादादर्शगृहे च सङ्क्रान्तानि | विचित्राणि-विशिष्टनानावेषधारीणि विलासवन्त्यत एव लोचनानन्ददायीनि स्वकीयरूपाणि निजशरीराणि दृष्ट्वा द्रष्टव्य
कौतुकनिवृत्तेस्तत्रानुत्सुको भवतीति श्लोकार्थः। 'अम्बरे'त्यादि (४४७-११), अम्बरशब्देनात्र मत्स्यमदोऽभिधीयते, |स हि किलात्यन्तसुगन्धो भवति, शेषं सुगमम् । वस्तुतः सिद्धपर्यायेत्यादि (४४७-२९), यद्यपि सिद्धः कृतकृत्य | उच्यते बुद्धस्त्ववगततत्त्व इत्यादिकं किञ्चिदभिधेयभेदं बिभ्रति वक्ष्यमाणशब्दाः तथापि वस्तुतः-परमार्थतः सिद्धपर्याया एव, एकस्मिन्नर्थे सर्वेषां वृत्तत्वादितिभावः। 'आदिशब्दाव्यभूत आचार्य'इत्यादि (४४८-१४ ), यदा कश्चिल्लोकोत्तरदर्शनप्रपन्नोऽपि विशिष्टधर्मकथाद्याचार्यकार्याक्षमो दृश्यते तदैवं व्यपदेशः प्रवर्त्तते-द्रव्यभूतोऽयमाचार्यः, आचार्याभास इत्यर्थ इति । 'अन्ये त्वेवं भेदमकृत्वे'त्यादि (४४८-१७), अन्ये तु लौकिकलोकोत्तरभेदाद् भावाचार्यों द्विधेत्येवं न भेदं कुर्वते, किन्तु लौकिकः सर्वोऽपि द्रव्याचार्यपक्षेऽन्तर्भवतीत्यभिदधति । 'योगप्राधान्यख्यापनार्थ मिति (४४९-२७), एतदुक्तं भवति-यद्यपि “निवाणसाहए जोए" इत्युक्ते सर्वभूतसमताऽपि लभ्यते तस्या अपि निर्वाणसा|धकत्वात् तथापि निर्वाणसाधकयोगेषु मध्ये सर्वभूतसमतैव प्रधानं तदङ्गमित्येवं प्राधान्यख्यापनार्थ “समा य सबभूएसु | इत्यनेन तस्याः पृथगुपादानं कृतमिति । 'इहास्या गाथाया'इत्यादि (४५०-११), इहास्या "न संखेवो न वित्थारो" इत्यादिगाथायाः सम्बन्धिना "न संखेवो” इत्यनेन पाठेन सह विरुध्यते, किं तदित्याह-लक्षणं, क यदुक्तं लक्षणमित्याह
Jain Educatieirational
For Privale & Personal use only
www.jainelibrary.org
