________________
Jain Education
कहिंचि वरमालईमउलमालच्चियं, नाइनियविहवदंसणेण रोमंचियं ॥ ९ ॥ अण्णं च - कारंड हंसवगचक्कवाय भारुंड की रकुररेहिं । जीवंजीव कविंजलजलवा यस खंडरीडेहिं ॥ १० ॥ हारीयपंचवण्णयपारेवयपमुहविविद्यपक्खीहिं । सुसिद्धिबंधवेहि व सेविज्जइ जं सयाकालं ॥ ११ ॥ जत्थ य वम्महदुस्सहसराभिघाएहिं जज्जरंगीओ । बालमुणालुप्पलसत्थरेसु सिसिरेसु रमणीओ ॥ १२ ॥ चिणति विरहिणीओ दिणाई करपिहियसवणजुयलाओ। परहुयताररवारसियसवणमुच्छागमभएणं ॥ १३॥ जुम्मं । रेहति जत्थ चंपयतरुणी नवकुसुमनियरसेहरिया । आरूढमयणजलणव्व पहियनिवहाण दहणत्थं ॥ १४ ॥ खरपवशुद्धयमयरंदपिंजरं पेच्छिऊण रविविंवं । मज्झहेऽवि हु संझं संकंति रहंगमिहुणाई ॥ १५ ॥
जत्थऽकूखमयणदमणा तरुणो मुणिणो य सुमणसोवेया । सुहलवलीलालसिया भुयगीओ विलासिणीओ य ॥ १६ ॥ तत्थ एवंविहंमि उज्जाणे सो विस्सभूई कुमारो पवरतरुणीजणसमेओ अणिमिसाए दिट्ठीए पेच्छमाणो वणलच्छि कोऊहलाउलियपरियणदेसिज्जमानमग्गो काणणंतरेसु परिब्भममाणो सायरं पसीयह कुमार ! पेच्छह इओ मंजरिज्जर सहयारावली इओ फुलंति मलियाओ इओ पल्लविजंति बालकंकिल्लिणो इओ कोरइजंति कुरुवयनि| उरुंबा इओ कुसुमिज्जंति कणियारनियरा इओ मउरिजंति पुन्नागाइसाहिणोत्ति, एवं उज्जाणपालेण निदंसिजमाणतरुगणो वणकीलाए दिणाई गमेइत्ति | अंतरा य सुणेइ राइनी ईसत्थाई विमरिसेइ गूढत्थपयाई अभिणयावेइ वि
1
ational
For Private & Personal Use Only
ainelibrary.org
