________________
GROSSISCHOSSESSES
निम्मलमणिरयणमउहजालउज्जोविए विमाणंमि । नियपरियणपरियरिओ कीलइ सच्छंदलीलाए॥ २३२॥ आउक्खएण तत्तो चविउं सो मणुयतिरियजोणीसु । नरयकुदेवेसुंपिय पुणरुत्तं परिभमेऊण ॥ २३३॥ रायग्गिहंमि नयरे दियवरकविलस्स कंतिमइयाए । गिहिणीए गब्भम्मी पुत्तत्तेणं समुप्पन्नो ॥ २३४ ॥ जाओ समुचिअसमए नामंपि य थावरोत्ति से विहियं । सत्तेण य गत्तेण य कुमारभावं च वोकतो ॥ २३५॥ अणवरयमरणजरजम्मवाहिदुहनिवहपीडियं लोयं । दहण काउकामोवि धम्ममइमोहमूढो सो ॥ २३६ ॥ नो वचइ दुकरतवविहाणनिरयाण जिणमुणिंदाणं। पासंमि कयावि हु नेव अन्नतित्थियजणस्सावि २३७ जुम्म। एवं अच्छंतो सो पेच्छइ एगं तिदंडिणं समणं । चिविडियनासावंसं भग्गोटउडं दलियदसणं ॥ २३८॥ कुमुयं व चंददंसणवसेण कमलं व दिणयरुग्गमओ । सालत्तयतरुणचरणताडणाओ असोगुव ॥ २३९ ॥ तं पासिऊण वियसंतनयणनलिणो परं पमोयभरं । अइदुल्लहवल्लहसंगमे व सो पाविओ झत्ति ॥ २४०॥ पइजम्मपरिवायगदिक्खागहणुब्भवंतुनेहाओ। तत्तपरिपुच्छणट्ठा तस्स सगासं समल्लीणो ॥ २४१॥ नमिउं चरणे सवायरेण सो पुच्छिओ य धम्मविहिं । जोगोत्ति कलिय तेणवि तिदंडिणा साहिओ तस्स २४२ अन्नं च इमं सिढे जहाऽहमिह दुक्खिओ ठिओ पुदि । विसयपिवासाणडिओ कुसलेण तहा न ठायचं ॥२४३॥ अह थावरेण भणियं भयवं! कह तं ठिओ इह दुहत्तो । विसयपिवासानडिओ कहेहि कोऊहलं मज्झ ॥२४४॥
Jain Educa
t
ion
For Private & Personel Use Only
Krjainelibrary.org
