________________
थूमं रयावेइ, बाहुबलिपमुहाण य नवणउईए भाउगाणं अण्णाणि नवनउइ धूमाणि निवत्तावेइ, तहा भगवओ नि-- व्वाणलाभप्पएसे तिगाउयउस्सेहं जोयणायाम सिंहनिसा(सेजा)इयं सव्वरयणविणिम्मियनियनियवण्णप्पमाणोववेयचउवीसजिणपडिमाहिट्ठियं सुविभत्तसालिभंजियाभिरामतोरणाबद्धबंधुरामिलाणवंदणमालं दुवारदेसोभयपासपइट्ठियलठ्ठपुंडरीयपिहाणपुण्णकणयकलसं सरसपंचप्पयारपुप्फपुंजोवयारकलियं कालागुरुकुंदुरुक्ककप्पूरपमुहवत्थुसिद्धधूयधूम-18 धयारियदिसाहोयं अणेगतियसंगणाजणुत्तालकरतालपुरस्सरदिज्जमाणरासयं भत्तिभरनिन्भरगायतकिंनरनियरं दूरदेसा गयविजाहरचारणमुणिजणविचित्तथुइथोत्तखवहुंतहलबोलं पइट्ठियलोहमयजंतदुवारपालं जिणभवणं कारावेइ । जं च-संसारोयहिनिबंडतसत्तसंताणजाणवत्तं व । रेहइ पवणुछयधवलधयवडाडोवरमणिजं ॥ १५२ ॥
इक्खागुकुलुब्भवभूवकित्तिकूडं व संठियं पयर्ड। सोहइ महीऍ केलाससेलसमसीसियाएव्य ॥१५३॥ पवणपणोलिरजलहरपडलाउलसिहरपरिसराभोगं । परिभमिरभमरनियरं विरायए कुमुयमउलं व ॥ १५४॥ मन्ने पवणपणोल्लिरएयमहद्धयपलोयणेण जणे । पवयसिरनिवडिरगयणसरियकित्तीफुडं जाया ॥ १५५ ॥
भरहनरिंदनिवेसियजिणमंदिरदसणाणुसारेणं । सेसजणोऽवि पयट्टो जिणविंवाईण कारवणे ॥ १५६ ॥ जुत्तं च एयं, जेण
एयं खु दुग्गइदुवार(पिहाण)फलिहोवमं जिणा विति । नीसेससत्तसंताणतागदाणेकहेउं च ॥ १५७ ॥
Jain Educa
t ional
For Private Personal Use Only
Harjainelibrary.org
