________________
Jain Educatio
चेव एगो पुत्तो संमओ पिओ हिययनंदणो रयणकरंडगसमाणो ओवइयसमुवलद्धो, ता नो खलु वच्छ ! अम्हे इच्छामो तुम्ह खणमेत्तमवि विओगं, किसंग पवज्जाणुमन्नणं ?, अओ अच्छ ताव जाव अम्हे जीवामो, कालगएहिं पुण परिणयवओ वडियकुलसंतई निचिन्नकामभोगो पवजेज्जासि, जमालिणा भणियं - अम्मा ! एत्थ खलु माणुसए भवे अणेगसारीर माणसरोगसोगजरामरणपमुहोबद्दव संपगाढे असासए जलबुब्बुयसमाणे सरयगिरिसिहर सरंतसरियातरंगभंगुरे को एवं जाणइ - के पुत्रिं मरणधम्माणो के वा पच्छा मरणधम्माणोत्ति, किं च
1
जइ नाम सुणिज्ज इमपि कोइ ता किं न होज पज्जत्तं ? । किं तु अयंडेवि अखंडियागमो पडइ जमदंडो ॥ १ ॥ किंतु-कस्स न हरंति हिययं विसया ? नो कस्स वल्लहा सुयणा ? । किंतु खरपवण पहयं किसलयभित्र भंगुरं जीयं ॥ २ ॥ एत्तो चिय दुजणमाणसं व मोत्तूण रजरट्ठाई । धीरा दुरणुचरंपि हु संजममग्गं समणुलग्गा ॥ ३ ॥ ता मोहपरमुच्छिदिऊण गयमो (अणुमण्ण) धम्मकरणत्थं । किं वल्लहं निरंभइ कोवि हु जलणाउले गेहे ? ॥४॥ एवं च भणिए अम्मापिऊहिं कहियं पुत्त ! इमं तुह सरीरं विसिलक्खणर्वजणगुणोवधेयं उत्तमबलवीरियसत्तजुत्तं उदग्गसोहग्गसंगयं समग्गरोगरहियं निस्वहयलट्ठपंचिंदियं पढमजोव गगुणाणुगयं, अओ कहं दुरणुचरं संजमं काउं पारिही ?, जेण
मत्तकरिरायदढचलणचंपणं सहइ नेव कमलवणं । उवरमसु पुत्त ! दुक्करसंजमकरणाउ तेण तुमं ॥ १ ॥
For Private & Personal Use Only
ainelibrary.org
