________________
श्रीगुणचंद महावीरच ० ८ प्रस्तावः
॥ २५६ ॥
Jain Educat
संतित्ति, अणुचियं इमं, जओ ते नारया कम्मपरतंतत्तणेण इहागंतुमसमत्था, तुम्हारिसावि तत्थ गंतूणमक्खमा, ता कहमुवलंभो जाएजा ?, खाइगनाणोववेयाणं पुण वीयरागाण पचक्खा चेव, न य खाइगनाणोववेया असे सपयत्थसत्थवेइणो न संतित्ति वोत्तवं मए चिय वभिचारसभंवाओत्ति, एवं छिन्नंमि संसए तिहिं खंडियस एहिं समं अकंपिओ अणगारियं पडिवन्नोति ८ ॥
एत्थावसरंमि अयलभाया नाम अज्झावगी मुणियजिणमाहप्पो मणोगयवियप्पनिन्भंजणत्थं गओ जयगुरुसमीवं, भणिओ य सामिणा, जहा - भो अयल ! पुन्नपावाई अस्थि नत्थित्ति संसयं तुम मुद्दहसि, अजुत्तिसंगयं चेयं, सुहासुहफलजणगत्तणेण पुचभणियकम्मपक्खनाएण चेव पुन्नपावाणवि पसाहणा उत्ति भणिए जायजहावट्टियविवेओ तिहिं खंडियसएहिं समेओ चारगंव भववासं उज्झिऊण समणो जाओत्ति ९ ॥ तयणंतरं च तं पञ्चइयं सोऊण जिणंतियं पाउन्भूओ मेअज्जो नाम अज्झावगो, सोऽवि संलत्तो तिहुयणेकचक्खुणा महावीरेण, जहा सुंदर ! तुमंपि इमं | विगप्पेसि भूयसमुदायधम्मत्तणेण चेयणारुवस्स जीवस्स कहं भवंतरगमणं घडेज्जा ?, भूयववगमे चेयणारुवजीवस्सवि | विगमाउत्ति, नणु अघडमाणमेयं, पुढवाईण भूयाण एगत्थ मीलणेऽवि चेयणाणुवलंभाओ, तम्हा तवरिता चेव चेयणा जीवधम्मरुवा अन्भुवगंतवा, तदब्भुवगमे य जीवस्स निरुवचरिओ परभवगमो सिद्धो चेव, जाइसरणाईहिं परभवसाहणाओ य, एवं कहिए निच्छिन्नसंसओ मेयज्जो तिसयसिस्सपरियरिओ भयवओ समीवे पवइओ १० ॥
For Private & Personal Use Only
पष्ठादीनां
दशमान्तानां.
॥ २५६ ॥
jainelibrary.org
