________________
४० मद्दा०
Jain Education
अपरिमियद व संचओ पूरणो नाम गाहावई परिवसइ, सोय सम्मओ सयणवग्गस्स वल्लहो नरिंदस्स चक्खूभूओ पयइवग्गस्स हिययनिविसेसो धम्मियलोयस्स उभयलोयाविरुद्वेणं वत्रहारेणं कालं वोलेइ । अन्नया य पच्छिमरयणीसमयंमि सुहसिजागयस्स निद्दाविगमुम्मिल माणनयणनलिणस्स जाया से चिंता, जहा -
पुचभवे नूण मए दानं दिनं तवं च आयरियं । तस्स पभावेणेता मणवंछियकज्जनिष्पत्ती ॥ १ ॥ तहाहि -नरवइसम्माणेणं धणेण धन्त्रेण कोसविभवेण । पुत्ताइपरियणेण य पइदियहमहं पवामि ॥ २ ॥ पडिलोवि हु लोगो दंसणमेत्तेऽवि होइ अणुकूलो । अनिवारियपसराविहु निवडंति न आवया मज्झ ॥ ३ ॥ ता जावज्जवि पुचज्जियस्स कम्मस्स कुसलरूवस्स । विज्जइ थेवोऽवि लवो जावऽज्जवि उज्जमो अत्थि ॥ ४ ॥ जा जणे सम्माणो जाव य रोगादओ न दूर्मिति । जाव न विहडइ सरयग्भविन्भमा निच्छियं लच्छी ॥ ५ ॥ जान न जज्जरह जरा जाव न जायइ पिएण सह विरहो । आणानिद्देसम्मि य जावज्जवि वह कुटुंबं ॥ ६ ॥ ताव पुणोवि हु धम्मं परभवसुहसाहगं उवचिणेमि । नदु कारणविरहेणं कज्जं उप्पज्जति कयावि ॥ ७ ॥ धम्मभाव एसो जं फिर साहारणेऽवि मणुयते । एगे करेंति रजं अन्ने ते चेत्र सेवंति ॥ ८ ॥ तुम्हा सूरम्मि समुग्गमि भुंजाविडं सयणवग्गं । ठविडं च गिहे पुत्तं तावसदिक्खं पवजामि ॥ ९ ॥ इय चिंतितस्स उग्गओ दिवायरो, तओ निमंतिओ सयणवग्गो काराविओ परमविच्छणं भोयणं संमाणिओ
For Private & Personal Use Only
inelibrary.org
