________________
श्रीगुणचंद महावीरच०
७ प्रस्तावः
॥ २२७ ॥
Jain Education
वायामेत्तेवि तिहुयपि कुविया खिवंति जमवयणे । निवडियगुणाण सुराण ताण को वह समसीसिं? ॥ १२ ॥ जइ सदहेसि एयं ता अच्छउ खोभिएण किं इमिणा ? । अह नो ता पेच्छ जहा भग्गपइण्णं नियत्तेमि ॥ १३ ॥ इय भणिए पुरंदरे विचिंतेइ - अहो महापावपडलविलुत्तविवेओ सहा एस, अओ जइ एत्थ पत्थावे निवारिजइ ता निच्छियं इमं परिकप्पेजा - सुरवइसामत्थेण एस भगवं तवोकम्ममविचलचित्तो कुणइ, न उण सत्ति - एत्ति परिभाविऊण ठिओ मोणेणं । संगमयमुरोऽवि अतुच्छमच्छरमुहंतो निवारिज्जमाणोऽवि नियपहाणपरियणेण केत्तियमेत्तो एस ? अज्जेव खोभेमि इति पइण्णं काऊण नीहरिओ अत्थाणीमंडवाओ, गओ भगवओ समीवं, तओ दंसणवसुप्पन्नगाढकोवेण विउचिओ पलयकालोव पत्रलो धूलिनिवहो, तेण य चलणजुयलाओ आरम्भ जाव अ च्छीणि सवणा य ताव पच्छाइओ, सामी जाओ निरुस्सासो, नवरि तिलतुसतिभागमेत्तंपि न चलिओ झाणाओ, अचलियचित्तं च नाऊण कओ अणेण कुलिसकठिणचंडतुंड भीमो पिवीलियासमूहो, सो य लद्धावयासो दुज्जणोव जिणं विविडं पवत्तो, किंतु निम्भग्गजणमणोरहोच जाओ निष्फलो, तओ दुन्निवारे सूइतिक्खमुद्दे उसे पेसे, तेहिवि अखोभिजमाणे भुयणबंधवे घइलाओ चंडमुहमंडलाओ निवत्तेर, ताहिवि खज्जमाणसरीरे निष्पकंपे जयनाह | निम्मिया पिंगलसरीररुइणो अतुच्छपुच्छविसालिद्धकढिणकंटया विच्छुया, तेसुवि जहासत्तिकयप्पहारपडिहयसामत्थेसु पसरंत मच्छरणं विउधिया दाढाकडप्पकराला नउला, तेर्हिपि अभिभवियं भयवओ सरीरं, न उण ईसिंपि सत्तं,
For Private & Personal Use Only
शक्रप्रशंसा संगम
प्रतिज्ञा.
॥ २२७ ॥
inelibrary.org
