________________
श्रीगुणचंद महावीरच० ६ प्रस्ताव ॥२२१॥
वैश्यायनमातुर्वेश्यातो मोक्ष
ROSSISTEOSISESSAGE
पारंभसमुल्लवियसवियारवयणविलिएण बाढमभाहया समाणा उत्तरिजेण वयणकमलमवर्गुठिऊग दीहरुम्मुक्तपोकारं रोइऊण विलविउं पवत्ता । कहं चिय?
हा पाव दइव निग्घिण निल्लज्जाणज! मुक्कमजाय!। किं अन्नो तुह नाही विडंबणाडंबरपवंचे? ॥१॥ जं कुलविलयामलिणत्तकारिणा उभयलोगदुद्वेण । वेसाभावे विणिम्मियऽम्हि सुकुलप्पसूयावि ॥२॥ तत्थवि न ठिओ तं एत्तिएण घडिअम्हि नियसुएणावि । हा हा गरुयमकजं सत्थेसुवि सुम्मइ न एवं ॥ ३ ॥ जइ पुर्व चिय पावेहिं तेहिं चोरेहिं विणिहया हुंता । ता किं असञ्चमविगोवणिजमिममज पेच्छेज्जा ? ॥४॥ किं वयपक्खेवेण अहव उल्लंबणेण साहेमि । सासनिरोहेणं वा लहुं समुज्झामि अत्ताणं ॥५॥ एवं चिय मेरुगिरिंदविन्भमाओ इमाओ दुक्खाओ। पावाए मज्झ नणं होही संपइ परित्ताणं ॥६॥ इय दुस्सहदुहकरवत्तगाढफालिजमाणहियया सा। अइसुचिरं विलवित्ता निमीलियच्छी गया मुच्छं ॥७॥ ।
तारिसं च दट्टण वेसियायणेण सित्ता सीयलसलिलेण वीजिया दुगुलंचलेण संवाहिया पासवत्तिणा चेडीजणेण, कह कहवि लद्धचेयणा संभासिया अणेण-अम्मो ! कीस तावसंभारमुबहसि ?, को एत्य तुज्झावराहों ?, एसो चिय सच्छंदाणिबद्धघडणविहडणरसिगो दइवो एत्थावरज्झइ जो विविहसंविहाणगनेवत्थेहि नई व विवसं माणुसं -विनडेइ, अचंतविरुद्धमवि वत्थु कारवेइ, अगम्मेणवि सह संगम संपाडेइ, ता उज्झसु संतावं पडिवजसु धीरत्तणं
॥२२१॥
*
Jain Education
a
l
For Private Personel Use Only
Enelibrary.org
