________________
विउविया घणावली, जायं सलिलवरिसं, समासासिओ तिलथंत्रओ,तेण पएसेण वेगेण आगच्छमाणीए गावीए खुरण ६ चंपिय मूलविभागो पविट्ठो जलसेयसुकुमारे धरणिवढे, जाओ दढपइट्ठाणो, कमेण परूढाई मूलाई, उम्मीलियाई है कंदलाई, पयट्टो फुलिउंति । भयवं पुण कुम्मारगामनगरं संपत्तो, तस्स वाहिं सूरमंडलस्सुवरिं निहियदिट्ठी उद्धी
कयभुयपरिहो दीहरजडाकडप्पो पयइविणीओ पयइपसमपरो पयइदयादक्खिण्णाणुगओ समारद्धसद्धम्मज्झाण वि-12 हाणो वेसियायणो नाम लोइयतवस्सी मझंदिणसमयंसि आयावेइ । तस्स य उप्पत्ती भन्नइ| मगहाविसए धणधन्नसमिद्धलोयकलिए गोबरगामे आभीरलोयाणं अहिवई गोसंखीनाम कुटुंविओ, बंधुमई नाम से भज्जा, सा य अवियाउरी, ताणि य परोप्परं दढसिणेहाणुरायाणि विसयसुहमणुहवंताणि कालं वोलेंति, इओ य तस्स गामस्स अदूरे खेडयं नाम संनिवेसो, तत्थ य अविगप्पिया सन्नद्धबद्धकवया परपहरणसणाहा मिलेच्छाण ? धाडी पडिया, तीए य सो गामो निवाडियारक्खिगजणो लुटियधणधन्नकंसदूसो विणिहयपहरणहत्थसुहडसत्थो कओ, तओ वंदिग्गहेण लोगं गहिऊण पट्टिया सहाणं, एगा य गामइत्थिया तबेलं पसूया पइंमि मारिए करकलियवालया सुरूवत्तिकाऊण चालिया चोरोहिंसा य चेडवावडकरतणेण न पारेइ सिग्घगईए समागंतुं, तओ तेहिं सरोसं भणिया-भद्दे ! परिचयस सुयं जइ चिरजीवियस्थिणी, इमं च सुणिऊण अइगरुययाए मरणभयस्स परिचत्तो तीए सुओ तरुच्छागाए, गया य चोरोहिं समं, सो य गोसंखिओ गोरूवाइं घेत्तूण पहायसमए समागओ तं पएस,
Jain Educati
onal
For Private Personel Use Only
Mainelibrary.org
