________________
मझदेसो एस, सलिलं पुण एत्तो वणसंडाओ केत्तिएणवि भूभागेणं वट्टइ, केवलं दुहृसत्ताउलत्तणेणं न सुहगेझं, भो. महाणुभाव ! जइ पिवासिओ ता एहि जेण सयमेव दंसेमि, एवमायन्निऊण पडिवन्नं कुमारेणं, पयट्टो य तयभिमुहं, तो पुलिंदगेण चडावियचावगुणारोवियारोवेण देसिजमाणमग्गो पत्तो सरोवरं, कयं जलावगाहणं, अवणीया ||
तण्हा, अहो णिकारणोवयारी एसोत्ति चिंतिऊण कुमारेण दिन्नं से नामंकियं मुद्दारयणं, परिहियं च अणेण अंगुदिलीए, नीओ य तेण नियगृहाए, काराविओ कयलीफलाइणा पाणवित्तिं, अह परिणयंमि वासरे कुमारण :
पुलिंदगो-अहो बाद कोऊहलं मे बहुअच्छरियनिलयभूया य एसा संभाविजइ महाडवी, अहो दंसेसु किंपि अच्छ-14 रियनिलयभूयं इमीए पएसंतरं, पुलिंदगेण भणियं-जइ एवं ता एहि दंसेमि, तओ गया एगं वणगहणंतरं, तं च केरिसं ?-एगत्थ रत्तचंदणालिहियमंडलगं निहित्तरत्तकणवीरकुसुमदामदंतुरं अन्नत्थ मंतवाइजणहुणिज्जमाणगुग्गुलगु|लिकागंधुद्धयाभिरामं एगत्थ मिलियधाउवाइनिवहधमिजंतधाउपाहाणं अन्नत्य विविहोसहीरससाहिजमाणभूइयं 8 एगत्थ पउमासणनिविट्ठजोगिजणपारद्धमणपरिकम्मणं, एवंविहं च तं दद्दूण जायपरमविम्हएण पुच्छिओ सो कुमा-1 रेण-भद्द! किं नाम एयस्स पएसस्स ?, तेण भणियं-सिद्धिखेत्तंति, कुमारेण चिंतियं-अहो नामेणवि मुणिजइ एयस्स महिमासारो, ता निच्छियं तं नथि अच्छरियं जमिह न होही, अहो एयं सहाणे पेसिऊण असंभंतो पलोएमि निहुयदिट्ठीएत्ति विगप्पिऊण भणिओ अणेण पुलिंदो, जहा-भद्द! गच्छसु तुमं गुहाए, अहंपि खणमेकं परिभमिऊण
Jain Educa
t ional
For Private & Personel Use Only
Olainelibrary.org
