________________
खणं अच्छित्ता नीहरिउमारद्धाणि, एत्थंतरे दुवारदेसंतरट्टिएण गोसालेण गच्छंती छित्ता विज्जुमई, तओ तीए भणियं-अज्जउत्त ! अहं पुट्ठा केणावि, एयं च निसामिऊण सीहेण चलित्ता गहिओ बाहाए गोसालगो, भणिओ य- अरे कइयवेण अम्हे अणायारमायरमाणाणि पाससि, पुच्छिओऽवि न साहेसि जहा अहमिह निवसामित्ति निष्भच्छिऊण जहिच्छं पिट्टिओ लट्ठीए, गओ य सट्टाणं, तओ-गोसालो भणइ जिगं तुम्ह समक्खंपि एकओ अहयं । एवं निरघाएहिं कुट्टिओ कारणेण विणा ॥ १ ॥ न मणागंपि हु तुम्हे निवारणं कुणह तस्स पावस्स । मम घायणुज्जुयस्सवि जुज्जइ गरुयाण किमुत्रेहा ? ॥ २ ॥
अह जिणतणुमल्लीणो सिद्धत्थो वागरेइ गोसालं । रे दुट्ठसील ! जइ तं सचं चिय सुहसमायारो ॥ ३ ॥ ता किं अनिमित्तं चि तं महिलं छिवसि पाव ! गच्छतिं । जह अम्हे संलीगा तह ठासि न गेहमज्झग ओ ॥ ४ ॥ तु पक्खं कुणमाणा अम्हेवि तुमं व नणु हणिजामो । दुट्ठोवकुंभपरा होंति सदोसा अदोसावि ॥ ५ ॥ एत्थं तरंगि सामी निक्खमिउं पत्तकालगामंमि । पुवविहाणेणं चिय सुन्नघरे संठिओ पडिमं ॥ ६ ॥ अह तत्थवि रयणी गामउडओ उ खंदओ नाम । नियमज्जालजाए एइ समेओ सदासीए ॥ ७ ॥ दंतलियानामाए ताहे पुर्व व पुच्छर इमोऽवि । गोसालोऽवि निलुको भएण गेहेकदेसंमि ॥ ८ ॥ विजति मन्नमाणो तत्तो तीए समं जहिच्छाए । उवभुंजिऊण भोगे सो निस्सरिडं समारद्धो ॥ ९ ॥
Jain Educationational
For Private & Personal Use Only
jainelibrary.org
