________________
REACIRCRECRUGREELCAREEREY
जाणंताविहु अइदुट्ठसीलयं भाविरं अणत्थं च । गरुया पणएसु तहावि हुंति न परंमुहा कहवि ॥ ८॥
एवं च सामी तेण पडिवण्णसिस्सभावेण समेओ सुवन्नखले सन्निवेसे वच्चइ, तस्संतरे गोवाले बहुखीरं गहाय महतीए थालीए अखंडफडिएहिं नवएहिं सालितंदुलेहिं पायसमुवक्खडेंते पेच्छिऊण गोसालो भणइ-भयवं! दढं छुहाभिभूओऽम्हि, ता एह एत्थ पायसं परिभुंजामो, अह सिद्धत्थेण चिरकाललद्धावगासेण भणियं-भद्द! मा तम्मसु, एसा थाली अद्धसिद्धा चेव विहडीहि, ताहे सो नियदुट्ठसीलयाए तं वयणं वितहं काउमणो गंतूण ते गोवे भणइ-अरे एस देवज्जगो तीयाणागयजाणओ एवं कहेइ, जहा-एस पायसथाली अद्धसिद्धा चेव विवजिही, ता पयत्तेण संठवेह, एवं च निसामिऊण ते भयभीया वंसदलेहिं तं पिढरं गाढं वेढिऊण रंघिउमारद्धा, अह पउरतं
दुलपक्खेवविहसिया निमेसमेत्तेण फुटा थाली, पच्छा गोवेहिं जं जहा पावियं तीसे पायसालिद्धं कप्परं तं तहा| ६ घेत्तूण परिभुत्तं, गोसालोऽवि कंदुकविरालोव पेच्छमाणो विलक्खो चेव ठिओ सुदुयरं च नियइवायं पडिवन्नो,
अह सामी भणगाम गओ, तत्थ य गामे दोन्नि पाडगा, तेसु दो भायरो नंदउवणंदनामाणो सामित्तं कुणंति, भुवणगुरूवि छठ्ठपारणगंमि पविडो नंदपाडयंमि, दिट्ठो नंदेण, पडिलाभिओ दहिमिस्सेण वासियकूरेण, गोसालोऽवि गओ इयरपाडयं, उत्तुंगपासायमवलोइऊण पविद्रो उवनंदस्स मंदिरे, भणिया उवनंदेण कम्मयरी, जहादेहि एयस्स भिक्खंति, उवणीओ अणाए वासियकूरो गोसालयस्स, सो य तं अणिच्छंतो उवणंदं एवं निभच्छेइ
A2%2595%25ARSA
Jain Education
a
l
For Private Personal Use Only
W
ainelibrary.org
