________________
मंखलिनो
मंखत्वं | गोशालोत्पत्तिश्च.
श्रीगुणचंद| वित्तीए पइदिणं सुहेण निवहतं, तं च दट्टण चिंतियमणेण-अहो एयस्स इमा अणुवरोहिणी वित्ती अचोरहरणिज महावीरच० मंडोलं निचंदुहा कामधेणू असलिला सस्सनिष्फत्ती अपरिकिलेसो महानिही, ता जीविओऽम्हि चिरकालाओ जं ६ प्रस्ताव
पाविओ एस परमोवाओत्ति विगप्पिऊण गओ मंखस्स समीवं, पडिवन्ना तस्स सेवा, सिक्खियाइं गायणाई, अह तमि पुत्वभवभजाविरहवज्जजजरियहिययंमि पंचत्तमुवगए मुणियतत्तं व अप्पाणं मन्नंतो महया वित्थरेण चित्तफलगमवरमालिहाविऊण समागओ निययमंदिरं, भणिया नियगेहिणी-पिए ! पाडेसु संपयं छुहासिरे वजासणि पगुणा | भवाहि य विहारजत्ताए, तीए वुत्तं एसा पगुणाऽहं, वच्चसु जत्थ भे रोयइ, तओ चित्तफलग घेत्तुं तीए समेओ नीहरिओ सो नयरीओ, तवित्तीए परिब्भमिउमारद्धो य देसंतरेसु, तवासिलोगोऽवि पुषदिनाएण तमागयं पेच्छिऊण मंखो आगओत्ति वाहरइ, एवं मंखली मंखोवइट्ठपासंडसंवर्ण मंखो जाओत्ति । अन्नया य सो परिब्भमंतो पत्तो सरवणसन्निवेसे, ठिओ गोबहुलमाहणस्स गोसालाए, तत्थ निवसमाणस्स पसूया सुभद्दा, जाओ से दारगो, कयं उचियसमए गुणनिष्फन्नं गोसालोत्ति नामं, संवडिओ कमेणं, अइकंतो बालत्तणं, सो य दुसीलो सभावेणं, कुणइ विविहाणत्थे सभावेण, न वट्टइ आणानिइसे, सिक्खविजमाणो पवहइ पओसं । अवि य___ सम्माणदाणपगुणीकओवि उजुत्तणं खणं धरइ । सुणपुच्छंपिव पच्छा कुडिलत्तं झत्ति दंसेइ ॥१॥
अत्थक्कजंपिरं मम्मवेहगं कूडकवडपडिबद्धं । वेयालं पिव तं पेच्छिऊण को को न संकेइ ? ॥२॥
॥ १८५॥
Jain Educatio
n
al
For Private Personel Use Only
R
hinelibrary.org
