________________
चित्तफलगहत्थो सहाइणा एगेण अगुगम्ममाणो नयरपुरखेडकब्बडमडंबपमुहेसु सन्निवेसेसु आसापिसायनडिओ निष्विस्सामं परिब्भमइ। दंसेइ पइगिह चिय समूसियं तं च तियचउक्केसु । चउमुहमहापहेसु य पवासभादेउलेसुंपि ॥१॥ ताहे रहंगमिहुणं तहासरूवं निरूविऊण जणो। कोऊहलेण पुच्छइ साहेइ य सो जहावित्तं ॥२॥ अणवरयंपि सवित्थरमसमत्थो नियकहं च सो कहिउं । संखेवत्थनिबद्धं साहइ दुवईए नियवत्तं ॥३॥
जहा-माणससरोवरंमि अवरोप्परपोढपेमाणुरंजियं, नयणनिमेसमेत्तविरहदूमिजंतदेहयं । लुद्धयमुक्कनिसियसरविहुरियमह पंचत्तमुवगयं, संपइ संपओगमभिवंछइ एयं चक्कमिहुणयं ॥४॥ इमं च निसामिऊण केई पहसंति कई अवहीरंति केइ अणुकंपति, सोऽवि अविलक्खचित्तो सकजपसाहणेकनिरओ परियडतो चंपं नार गओ, तत्थ |य निट्ठियं पुवाणियं संबलं, तओ अन्नं जीवणोवायमपेच्छंतो तं चेव चित्तफलगं पासंडं ओडिऊण गायणाई गाय
माणो भिक्खं भमिउं पवत्तो, अविय| अइतिक्खछुहाभिहयस्स पिययमाजोगऊयमणस्स । एकाविय से किरिया उभयत्थपसाहिया जाया ॥१॥
इओ य-तत्थेव पुरे वत्थबो मंखली नाम गिहवई, सुभद्दा य से भज्जा, सो य अपरिहत्थो वाणिजकलासु अकुसलो नरिंदसेवाए असमत्थो करिसणसमए अलसो कट्टकिरियाए अवियक्खणो वावारंतरेसु, केवलं भोयणमेत्तपडिबद्धो कहं सुहेण निबाहो होजत्ति अणवरयं उवायंतरं विचिंतंतो पेच्छइ मंखं चित्तपतृपयडणपडियकणभिक्खा
Jain Educati
o
nal
For Private & Personel Use Only
ainelibrary.org
