________________
जायपञ्चभिन्नाणाए तीए गाढमालिंगिऊण सुहासणत्यो हरिसुल्लसियलोयणाए पुच्छिओ-अज्ज ! कत्तो कहं वा समा-12 गओऽसित्ति ?, तेणावि से साहिओ सामन्नेण वुत्ततो, चंदलेहाए भणियं-सुहु कयं तुमए जमेत्य पत्थावे समागओऽसि, जओ अम्ह पडिपुन्ना इयाणिं सवे मणोरहा, गोभद्देण भणियं-कहं चिय?, तीए भणियं-जं तइया तुमए मम बंभचेरखंडणा रक्खिया तेण सत्तरत्तपजते सम्ममाराहिजमाणा सिद्धा भगवई सयंपभाभिहाणा विजा, सो य है दुविजासिद्धो ईसाणचंदो सबकामुयरक्खावलयविहूणो जण्हुकन्नाजलमज्झगओ झसोच विवसो पाविओ, गोभहेण भणियं-कहमियाणिं सो संठविओ?, तीए भणियं-जहा दुटुकरिवरो, तेण भणियं-किमित्थं पुण तहा धरिजइ, तीए भणियं-कसिणचउद्दसीए चंडिगाए बलिविहाणत्थं, गोभहेण भणियं-जइ एवं ता दंसेसु तं थेवदिणपरिचियत्तणेण तेण समं मे किंपि वत्तवमत्थि, तीए भणियं-को दोसो ?, एहि जेण दंसेमि, तओ पट्ठियाइं गंतुं, जाय २ य केत्तियमेत्तमंतरमुवगया चंदलेहा ताव दिट्टो विजासिद्धो बाहुबद्धरक्खावलओ वियलियनियलबंधणो महाकोवफुरंताहरो पायडियनिडालभिउडिभासुरोत्ति, तं च दहण चिंतियमेयाए-अहो कहं रक्खावलयलाभो इमस्स रक्ख
सस्स ?, कहं वा नियडच्छेओ संपत्तो', अहो अवितक्कियं केरिसमावडियंति?, जायभयावि आगारसंवरणं काऊण तेण IPIसमेया समीवमुवगया एयस्स, तेणवि इतिं दद्दण ईसि पच्छाइयकोवविरागेण संभासिया, जहा भद्दे ! उवविस,
तो आसणनिसन्नाए चंदलेहाए पुणो कइयवेण उड्डमवलोइऊण भणियमणेण-अहो कहं पुवपरिचिओ गोभद्दो २९ महा.
CAL-CODAMAGRICKS
Jain Education
or
For Private & Personal Use Only
Prelibrary.org
