________________
Jain Educatio
सो य सूलपाणी जाहे अट्टहाससद्देण भयवं न भीओ ताहे पिसायरूवं विउवइ, तं च केरिसं ? - अइकविलथूललंबिरकेसोहच्छन्नगयणयलमज्झं । अविपक्कसुक्क तुंबय सरिच्छवी भच्छवयणिलं ॥ १ ॥ दिसिक्कुंजरंकुसागारदूरनिक्कसियकलुसदसणग्गं । चिविडग्गघोरघोणानिलकंपियकविलमुहलोमं ॥ २ ॥ लंबिरबलिचम्मोणद्धमडहवच्छत्थलट्ठिसंघायं । पिट्ठावलग्गलिंजरकप्परसमजरढजठरतलं ॥ ३ ॥ तालतरुजुयलदीहर निम्मंसण्हारुनद्धजंघजुयं । ठाणट्टाणोलंबियपलंबतंडवियफणसप्पं ॥ ४ ॥ अइवेगमुक्ककमभरथरहरियस सेलमेइणीव । कक्खंतराल निग्गहियमडयपिसायासणाभिरयं ॥ ५ ॥ अइकुडिलकत्तिउक्कत्तियंगिनिस्स रियरुहिरपाणपरं । उच्भवियपयंडभुयं पावसमूहं व पञ्चक्खं ॥ ६ ॥ इय एवंविहरूवं पिसायमवि पासिऊण जयनाहो । मसगं व अवगणितो धम्मज्झाणं विचिंते ॥ ७ ॥ तास पाणी उवत्तो पेहए जिनवरिंदं । मेरुव निष्पकंपं निब्भयचित्तं पवरसत्तं ॥ ८ ॥ तयतरं च पुणरवि भेसणकज्जेण सो महापावो । निसियग्गकुंत भीसण उग्गविसुग्गाढदाढालं ॥ ९ ॥ अविकलियरोसवसनिस्सरंतविस मिस्सजलणजालोहं । पप्फुरियफारफुकारवायभजंततरुनियरं ॥ १० ॥ वियडुब्भडचडुलफणाकडप्पपडिरुद्धदिसिमुहाभोगं । सिरिरयणकिरण संचयदावियगुरुवणदवासकं ॥ ११ ॥ कलिकालपढममित्तं व तिचदुरिओहभूरिरासिं व । जमपासंपि व सक्खा महिमहिलावेणिदंडं व ॥ १२ ॥
ational
For Private & Personal Use Only
ainelibrary.org
