________________
Jain Educat
अह नंदिवर्द्धनरिंदेण भणिया नियपुरिसा - अरे सिग्धं महरिहं भगवओ अणुरूवं अभिसे ओवगरणं उवाहरेह, जं देवो भणइत्ति सम्मं पडिसुणिऊण निग्गया पुरिसा, पउणीकया अट्ठोत्तरसहस्ससंखा अणेगे सुवन्नाइ - कलसा, उवाहरियाई समत्थपसत्य तित्यसमुत्थाइं सलिलाई, उवणीयाओ परमोसहीओ, पणामिया गोसीसचंद - णाइविलेवणविसेसा, एत्यंतरे चलियासणा बत्तीसंपि पुरंदरा विम्हियमणा ओहिणाणसामत्थमुणियपरमत्था तक्खणं महप्पमाणविमाणारूढा वियसियसयवत्तविसाललोयणा अद्दचंदणाणुलित्तगत्ता नियंसियसिलंधपुप्फसुहफरिसपवरदूसरयणा कुंदसंखदलदगरयधवलदंतपंतिरेहंतवयणा अंजणपुंजघणमसिणरुयगरमणिजकेसपासा भद्दजोचणे वट्टमाणा मऊ पडलपल्लवियचूडामणिपसाहियमत्थया अणेगरूवाभरणभूसियसरीरा सोमचारुरूवा छत्तचिंधाइ - विविहककुहधारिणो असंखदेवकोडिचडगरपरियरिया पडहमुइंगकाहलतिलिमहुडकाइतूररवभरियंबरा जिनिंदस्स अंतियं समागया, तिपयाहिणादाणपुचगं च पणमिऊण पराए भत्तीए पहूणो पायपंकयं कयत्थमप्पाणं मन्नंता जिणचरण मुद्दाविन्नाससुंदरे निसन्ना भवणंगणे ।
अह अच्चुयामरिंदेण हरिमुल्लसंतदेहेण भणिया नियनियदेवा- भो सिग्धमेव निवत्तह जिणस्स महावीरस्स जोग्गं महंतं निक्खमणाभिसेयं, ते य एयमायन्निऊण कयपणामा अणेगकणयाइकलसे खीरोयसलिलपडिपुन्ने असंखपुप्फपडलाई च अन्नं च तहप्पगारमभिसेयपाओग्गं पहाणवत्थुनिवहं अच्चुयसुराहिवस्स पणामेंति, तओ अच्चुयतियसाहिवो
ational
For Private & Personal Use Only
jainelibrary.org
